Shymkentke Nurlan Saýranbaevtyń ákim bolyp saılanǵanyna aı toldy, dep habarlaıdy Qamshy.kz aqparat agenttigi. 

Osy ýaqyt ishinde ákim 117 gektar jerdi alyp jatqan Shymkent qalasynyń jumystarymen tanysty. Óziniń aldaǵy josparlarymen N. Saýranbaev Shymkent qalasyndaǵy jáne OQO-daǵy BAQ ókilderimen kezdesý barysynda bólisti.

Qala basshysy óz sózinde halyq pen halyqtyń sózi eskerýsiz qalmaıtyny aıtyldy. Halyqtyń barlyq saýaptaryna jaýap beriletinin de tilge tıek etti qala ákimi.  Sonymen qatar, qaladaǵy transport máseleleri men komýnıkasıa qala ákimdiginiń basty nazaryndaǵy máseleler ekenin aıtty.

Nurlan Saýranbaev jumystyń jańa formatyn da tanystyryp ótti. Qazir ákimdiktiń arnaıy ókili bar. Jańa format boıynsha,  BAQ ókilderiniń jınalystarǵa qatyspaıdy.  Aktýaldy suraqtarǵa ákimniń arnaıy ókili jaýap beretin bolady. Osy tusta ákim bul formattyń ákimniń halyqtan jasyryn bolýy emes , kerisinshe, BAQ pen ákimdiktiń bir qazanda qaınap jatqanynyń belgisi ekenin atap ótti.

Sonymen qatar, qala ákimi óz sózinde jýrnalıserge synı maqala jazýdy usyndy.

"Barlyq ákim belgili bir qarjymen shekteledi. Bul jaǵyn da túsinińizder. Búginde qala búdjeti 40-45 mlrd teńgeni qurap otyr. Al Shymkentte 3000 km avtojol bar jáne onyń teń jartysy asfálttelmegen. Eger men barlyq qarjyny joldardy jóndeýge jibersem qalamyzda birde-bir mektep, aýrýhana boı kótermes edi. Qarjynyń barlyǵyna birdeı jetpeıtinin túsinýimiz qajet jáne naqty josparmen jumys isteýimiz kerek" dep aıtyp ótti qala ákimi.