Shymkent qalasy ákimi Nurlan Saýranbaevtyń basshylyǵymen qaýipsizdik sharalaryna baılanysty jınalys ótti, dep habarlaıdy Qamshy.kz aqparat agenttigi. 

Jıynda birneshe eleýli máseleler qaralyp, birneshe  sheshim qabyldandy.

Aldymen, Shymkentte aýdan ákimdigi ókilderinen, TJ qyzmetkerleri, polısıa men gaz qyzmetkerlerinen turatyn arnaıy mobıldi top qurylady.  

Arnaıy top barlyq úıdi jeke-jeke tekseredi. 22   jeltoqsanǵa deıin qaladaǵy barlyq úı , barlyq páter tekseristen ótýi qajet.

Ekinshiden, mektepterde gaz qubyrlaryna baılanysty arnaıy sabaqtar júrgiziledi. Óz baspanańdy qaýipten saqtaý úshin aldyn ala atqarylatyn jumystarmen tanystyrylady.

Úshinshiden, qalada ishki gaz jabdyqtarymen aınalysatyn arnaıy kompanıa ókilderimen kezdesý ótkiziledi.

Atalǵan máselelerdiń qorytyndysy 22 jeltoqsanda ótetin jınalysta qaralady.