Shymkent bıligi múgedekterge jyl basynan beri 687 múgedekter arbasyn syıǵa tartty, dep habarlaıdy Qamshy.kz aqparat agenttigi.  Qalalyq ákimshilik ókilderiniń aıtýynsha, jaǵdaıy tómen múgedek jandarǵa turaqty túrde kómek kórsetilip otyrady. Olardyń qatarynda 800 adam áleýmettik qyzmetkerlerden kómek alsa, 493 otbasynyń balalaryna qarjylaı kómek kórsetiledi.

Sonymen qatar jyl basynan beri 1200 múgedek arnaıy emdelý ortalyqtaryna joldama alǵan.

Aıta ketetin jaıt, 2016 jyly negizi qalanǵan «Áleýmettik taksı» jobasyn «Inva taksı» jobasymen jalǵasyn tapty. Osy ýaqytqa deıin «Áleýmettik taksı» jobasy boıynsha 717 adamǵa qyzmet kórsetilse, 514 adam «Inva taksı» qyzmetine júgingen.

Al qala ákimdigi qaladaǵy avtobýstarda múgedekterge arnalǵan arnaıy oryndardy daıarlaýdy qolǵa almaq.