Bıyl Shymkent qalalyq tilderdi oqytý ortalyǵynyń qurylǵanyna 20 jyl toldy, dep jazady Qamshy.kz aqparat agenttigi. Osy oraıda «Til. Táýelsizdik. Taǵylym» atty ǵylymı praktıkalyq konferensıa ótti. Qalalyq tilderdi oqytý ortalyǵynyń qurylǵanyna arnalǵan is-sharaǵa oblys, qala ákimderiniń orynbasarlary men zıaly qaýym ókilderi, til janashyrlary qatysty.
Til biliminiń órkendeýine súbeli úles qosyp júrgen ortalyqtyń mereıtoıyna arnalǵan ǵylymı jıynǵa A.Baıtursynov atyndaǵy til bilimi ınstıtýtynyń dırektory Erden Qajybek te keldi. Kezdesý barysynda Erden Qajybek latyn álipbıiniń mańyzdylyǵy týraly oılarymen bólisti.
Aıta keteıik, 1997 jyldan beri ortalyqta 20 357 azamat bilim alǵan. Olardyń 16799 qazaq tilin, 2115 aǵylshyn tilin meńgerse, 1443-i orys tilin oqyp shyqqan. Til oqytý ortalyǵynda alty myńnan asa memlekettik qyzmetker oqyp, til syndyrǵan. Ortalyq «İsker qazaq tilin» iri kásiporyndar men ulttyq kompanıalar qyzmetkerlerine de tegin oqytady.
