12-shi jeltoqsan kúni Almaty qalasynyń ákimshiliginiń Din isteri jónindegi basqarmasynyń jáne «Saraptama jáne zertteý ortalyǵynyń» qatysýymen aqparattyq-túsindirý tobynyń múshelerine arnalǵan dóńgelek ústel ótti.

İs-sharaǵa ǵalymdar, dinı birlestik ókilderi (QMDB, OPSH, RKSH), memlekettik organ basshylary, sarapshylar qaýymdastyǵy, úkimettik emes uıymdar ókilderinen quralǵan aqparattyq-túsindirý tobynyń músheleri qatysty.

Shara barysynda, dinı birlestik ókilderi, memlekettik organdar men sarapshylar jyldy qorytyndylap, ótkizilgen sharalardyń tıimdiligin talqylaı otyryp, jumys sapasyn jaqsartý boıynsha usynystar engizdi. Qalalyq jáne aýdandyq ATT-yn damytýdyń bolashaq josparlary talqylandy.

Búgingi tańda, kún tártibindegi eń ózekti jáne mańyzdy máselelerdiń biri halyq arasynda dinı ekstremızm destrýktıvti jáne qaýipti ıdeologıasynyń taralýy bolyp otyr.

Almaty qalasynyń Din isteri jónindegi basqarmasynyń «Saraptama jáne zertteý ortalyǵy» destrýktıvti ıdeologıanyń taralýyn aldyn alý, dinı ekstremızm men terorızmge qarsy jyl boıy kóptegen is-sharalar ótkizý maqsatynda 8 aýdandyq jáne 1 qalalyq aqparattyq-túsindirý toptary quramynyń sapaly bolýyna aıtarlyqtaı oń áserin tıgizdi. Olardyń quramyna dintaný, mádenıettaný, tarıh, saıasattaný, teologıa, zań salasyndaǵy jetekshi sarapshylar engizilgen. ATT músheleriniń jalpy sany 110 adamdy qurady.

Bul toptar ár túrli formattaǵy 500 is-sharanyń júzege asýyna at salysty. Atap aıtsaq: 200 dáris, 200 kezdesý, 50 suhbat, 20 semınar jáne 30 naýqan. Jalpy 500 is-sharada qalanyń 80 myńnan astam turǵyndary qamtylǵan.

Kezdesýdi uıymdastyrǵan Almaty qalasy Din isteri jónindegi basqarmasynyń «Saraptama jáne zertteý ortalyǵy».