Búgin Almatyda Muhtar Áýezov atyndaǵy drama teatrynda qalalyq ákimdiktiń uıymdastyrýymen elimizge belgili akter Quman Tastambekovpen qoshtasý rásimi ótti, dep jazady Qamshy.kz aqparat agenttigi.

Qoshtasý rásimine Almaty qalasynyń ákimi Baýyrjan Baıbek, Asanáli Áshimov bastaǵan óner jolyndaǵy qaırtakerler men zıaly qaýym túgel jınaldy.

Birneshe kún buryn «Qyz Jibek» fılminde Tólegenniń rólin somdaǵan akter Quman Nurmaǵanuly Tastambekov kóz jumdy.

Aıta keter bolsaq, Quman Tastambekovtyń eń alǵash somdaǵan róli — Qyz Jibek fılmindegi Tólegen obrazy. Osy fılmnen keıin ol búkil qazaqqa Tólegen retinde tanymal boldy. Budan keıin de ol kóptegen fılmderge tústi jáne teatr sahnasynda da túrli obrazdardy somdady. Ol «Qazaqstan Lenın komsomoly» syılyǵynyń ıegeri atanyp, «Qurmet» ordenimen marapattalǵan.