Mundaı tyń aqparat kózderin Almaty qalasynyń Óńirlik komýnıkasıalar qyzmetinde «Áleýmettik – ekonomıkalyq damýdyń nátıjeleri. «Rýhanı jańǵyrý» baǵdarlamasynyń iske asyrylý barysy» taqyrybynda ótken brıfıńte Almaly aýdanynyń ákimi Estenov Jasulan málimdedi.

Aýdan basshysynyń sózine súıensek, barshamyzǵa belgili Elbasynyń «Bolashaqqa baǵdar, rýhanı jańǵyrý» atty maqalasyn júzege asyrý aıasynda aldymyzda qoıylǵan mindetterdiń biri – memlekettik búdjetten tys qarjylandyrý arqyly bıznes ókilderin jáne aýdan azamattaryn týǵan jerine ıgi ister jasaýǵa, belsendilik tanytýǵa tartý. Osy oraıda birqatar bıznes ókilderiniń atsalysýynyń arqasynda balalarǵa arnalǵan 8 oıyn jáne sport alańdary ashyldy. Sonyń ishinde, Abaı dańǵyly 141 mekenjaıyn da demeýshilerdiń qoldaýymen hokeımen aınalysýǵa arnalǵan muz aıdyny qaıtadan jóndeýden ótkizilip, ashyldy. Budan basqa, múgedekter men qart azamattar jáne balalarǵa arnalǵan áleýmettik sharalar ótkizildi. Al aýdan ákimshiliginiń uıymdastyrýymen demeýshilerdiń qoldaýy arqasynda Astana qalasynda ótken «Ekspo-2017» halyqaralyq kórmesin úzdik oqıtyn 60 daryndy bala tamashalap qaıtty.

Sonymen qatar, memlekettik-jeke seriktestik negizinde «Spýtnık» sport kesheninde qaıta jóndeý jáne «Tastaq» shaǵynaýdanynda 400 balaǵa arnalǵan balabaqsha salý jumystary bastaldy.   

Odan bólek, «Týǵan ólke tarıhy», «Jas daryn» atty baıqaýlar ótip, «Sóz daýa» kitaby jaryq kórdi. Aýdan ókilderi qalalyq, respýblıkalyq tilderdi damytý, mádenıetimizdi dáripteýge baǵyttalǵan baıqaýlarda júldeli oryndardy ıelendi. Bul jolda aýdan jastarynyń úlesi zor ekenin atap aıtýǵa bolady. Jalpy baǵdarlama aıasynda aýdan kóleminde 200-den astam is-sharalar uıymdastyrylyp, atalǵan baǵyttaǵy jumystar jalǵasyn tabýda, - J.Estenov.