Búgin Mańǵystaý oblysynyń ákimi Eraly Toǵjanov Jańaózen qalasynyń turǵyndaryna jańa ákimdi tanystyrdy, dep habarlaıdy Qamshy.kz aqparat agenttigi Mańǵystaý oblysy ákimdiginiń baspasóz qyzmetine silteme jasap.

Qalalyq máslıhattyń kelisimimen shahar basshysy bolyp Daýylbaev Ádilbek taǵaıyndaldy. Ádilbek Qulyntaıuly buǵan deıin Mańǵystaý oblysy Qaraqıa aýdanynyń ákimi qyzmetin atqarǵan.

«Mańǵystaý halqyna memlekettik qyzmette kóp jyldyq tájirıbesi bar bilikti maman retinde belgili. Sondyqtan bul mindetti de abyroımen atqaratynyna senimimiz mol»,- dedi oblys ákimi Eraly Toǵjanov.

Al, Jańaózen qalasynyń burynǵy ákimi Elýbaı Ábilov densaýlyǵyna baılanysty óz erkimen laýazymyn bosatty.

Daýylbaev Ádilbek Qulyntaıuly 1964 jyly Mańǵystaý oblysy, Taýshyq aýylynda týǵan.

1988 jyly Almaty qalasynyń  qurylys tehnıkýmyn ónerkásiptik-azamattyq qurylys mamandyǵy boıynsha támamdaǵan.

 2004 jyly M.Tynyshbaev atyndaǵy Kazaq Kólik  jáne komýnıkasıa akademıasyn ınjener-qurylysshy mamandyǵy boıynsha bitirgen.

Eńbek jolyn 1981 jyly Mańǵystaý aýdany Shetpe selosynda  Mańǵystaý turǵyn-úı paıdalaný basqarmasynyń jumysshysy bolyp bastaǵan.

1989-1991 jj. –  «Qyzylturan kareri» Mańǵystaý aýdany Shetpe selosy.

1991-1993 jj. – Mańǵystaý turǵyn-úı paıdalaný basqarmasynyń mamany. Mańǵystaý aýdany Shetpe selosy.

1994-2000 jj. – «Mańǵystaý munaı joldary» JSHS proraby, Aqtaý qalasy.

2000-2001 jj. –  «Jolservıs» JSHS qurylys ýchaskisiniń mamany (master). Jańaózen qalasy.

2001-2002jj. – Mańǵystaý oblystyq memlekettik sáýlet-qurylys ınspeksıasy dırektorynyń orynbasary.

2002-2004jj. – Sáýlet-qurylys baqylaý jáne lısenzıalaý aýmaqtyq basqarmasynyń jetekshi mamany.

2005-2006jj. –  Mańǵystaý oblysynyń  memlekettik sáýlet-qurylys baqylaý basqarmasynda jetekshi maman, bólim basshysy, basqarma bastyǵynyń mindetin atqarýshy bolǵan.

2006-2009 jj. – Mańǵystaý oblysynyń  memlekettik sáýlet-qurylys baqylaý basqarmasynyń bastyǵy. Aqtaý qalasy.

2009 jyldyń shilde aıynan bastap Qaraqıa aýdanynyń ákimi laýazymyn atqardy.