Májilis Tóraǵasy Nurlan Nyǵmatýlın Ulybrıtanıa jáne Soltústik Irlandıa Birikken Koróldiginiń Qazaqstandaǵy Tótenshe jáne Ókiletti elshisi Kerolın Braýndy dıplomatıalyq merziminiń aıaqtalýyna baılanysty qabyldady dep habarlaıdy Qamshy.kz aqparat agenttigi. 

N. Nyǵmatýlın atap ótkendeı, K. Braýn bizdiń elderimizdiń arasyndaǵy ekijaqty, sonyń ishinde, parlamentaralyq qarym-qatynasty tereńdetý jolynda eseleı eńbek etti. Nátıjesinde Qazaqstan men Ulybrıtanıa arasyndaǵy strategıalyq áriptestik qarqyndy damydy.

Sonymen birge Braýn hanym, tek saıası, mádenı, halyqaralyq baılanystardy nyǵaıtyp qana qoımaı, árbir ulttyq meıramdarda qazaq tilinde júrekjardy lebizin jetkizip, memlekettik tilge degen erekshe qurmetin kórsetti.

N. Nyǵmatýlın elshi hanymnyń shyn máninde joǵary dıplomatıalyq tájirıbesi ózgelerge úlgi bolýǵa laıyqty ekenin atap ótti.

Óz kezeginde Kerolın Braýn Qazaqstanda eńbek etken jyldar ómirindegi eń eleýli kezeńderdiń biri ekenin aıtyp, jalpy eńbek  jolynyń Qazaqstandaǵy elshilik qyzmetpen aıaqtalatynyna rıza ekendigin jetkizip, alǵys bildirdi. 

Aıta keteıik, Kerolın Braýn bizdiń elimizde 4 jyl qyzmet etti.