Búgin Elbasy Qyrǵyzstan Prezıdenti Sooronbaı Jeenbekovpen ótken kezdesýde eki eldiń ejelden kele jatqan dostastyǵy men erekshe qarym-qatynasy jóninde atap ótti, dep jazady Qamshy.kz aqparat agenttigi.
-Biz Qyrǵyzstan men Qazaqstan arasyndaǵy bizdi de, sizderdi de alańdatqan máselelerdiń sheshimin taptyq. Sondyqtan búginde biz taǵy da qandaı sharalar jasaý kerektigi jóninde pikir almasa alamyz, dep bastady sózin Nursultan Nazarbaev. Ol aıtaryn orys tilinde bastap, Sooronbaı Jeenbekovke sóz berdi. Alaıda Jeenbekov qyrǵyzsha jaýap qatty:
-Eń aldymen sizge rahmet aıtqym keledi. Qazaq baýyrlarymyz samoletten túsken kezden bastap, aldan jyly meımandostyqpen kútip aldy. Munyń barlyǵyn kele sala sezip jatyrmyz, kóp máselelerdi birge sheshemiz jaqsy aıtyp kettińiz, deı otyryp qazaq-qyrǵyz shekarasyndaǵy másele, fıtosanıtarlyq-veterenarlyq jáne salyq boıynsha birqatar kúrdeli suraqtardyń sátti sheshimin tapqandyǵyn atap ótti.
Nursultan Nazarbaev: «Qazaqtardyń arasynda kópshiligi qyrǵyz tilin túsine bermeıdi, sondyqtan meniń orys tilinde sóılegenim de sol», dep Jeenbekovty qoldap otyrdy.
Elbasy: -Ekinshi ret kezdesip otyrmyz. Osy ýaqytqa deıin kóptegen sheshilmegen máseleler boldy. Sizdiń jaǵymyzdan da, bizdiń jaǵymyzdan da bıylǵy kezdesýimiz eki eldiń arasyndaǵy dıplomatıalyq kezdesýimiz Qazaqstan men Qyrǵyzstannyń arasyndaǵy ejelden kele jatqan dostyq-baýyrlyq, kórshilik qatynasty nyǵaıtýǵa septigin tıgizdi. Eki el arasyndaǵy kelisimde kórsetilgendeı, dostyq, strategıalyq qarym-qatynas degen uǵymdar bar. Osylaısha eki eldiń arasyndaǵy qarym-qatynastyń jańa paraǵyn ashamyz dep senemin.
Jıyrma bes jyldyń ishinde eki eldiń táýelsizdigi nyǵaıdy. 150 qujatqa qol qoıyldy, ondaı qujattyq baza eshkimde joq shyǵar dep oılaımyn. Sondyqtan mundaı qarym-qatynas basqa elderdiń arasynda joq, tek bizdiń memleketter arasynda bar. Osynshama qujattarǵa, kelisim sharttarǵa qol qoıyldy. Sondyqtan keıbir jaǵdaılardy artqa tastap, tek alǵa qaraı umtylýymyz kerek. Men ózim oǵan ábden daıynmyn.
Nazarbaev: - Myna jerde otyrǵan azamattardyń barlyǵy túsinýi úshin «mejdýnarodnyı ıazykke» kósheıik, dep ázildep sózin ári qaraı jalǵady.
