Muǵaljar aýdanynyń Bulaqty aýylynda aýylynda buzaý qyrylyp jatyr. Áleýmettik jelidegi aqparattan soń mal dárigerleri tekserýdi bastady, dep habarlaıdy Aktobenews.kz.

Áleýmettik jelide «Ótken jyldyń aıaǵyna taman Muǵaljar aýdanynyń Bulaqty (Rodnık) aýylynda belgisiz sebeptermen iri qara mal, onyń ishinde baspaqtardan aýrý shyqty. Bas-aıaǵy bir kún aýyrady da óledi. Bul kúni indet áli jalǵasýda» degen aqparat tarap ketti. Aýyl turǵyndary qyrylǵan maldyń sýretin qosymsha salǵan.

«Bulaqty aýylynyń turǵyndary mal qyrylyp jatqanyn habarlap, shaǵym túsirgen joq. Biz de áleýmettik jeli arqyly bilip, aýylǵa dárigerler jiberildi. Aldaǵy ýaqytta tekserý júrgizilip, sebebi belgili bolady», — dedi Muǵaljar aýdandyq veterınarıa bólimi bastyǵynyń orynbasary Baýyrjan Tileýlın.