Memleket basshysynyń Jarlyǵymen Asqar Isabekuly Myrzahmetov Jambyl oblysynyń ákimi bolyp taǵaıyndaldy dep habarlaıdy Qamshy.kz aqparat agenttigi Aqordanyń baspasóz qyzmetine siltep.

Aıta keteıik, Asqar  Myrzahmetov 2016 jyldyń maýsymynda Memleket basshysynyń Jarlyǵymen Premer-mınıstrdiń orynbasary qyzmetine taǵaıyndalǵan bolatyn.

Memleket basshysynyń Jarlyǵymen Asqar Isabekuly Myrzahmetov Jambyl oblysynyń ákimi bolyp taǵaıyndaldy

— Pres-slýjba Akordy (@AkordaPress) January 10, 2018

Asqar Isabekuly Myrzahmetov 1962 jyly 1 qazanda Shymkent qalasynda dúnıege kelgen. Aýyl sharýashylyǵy jáne ekonomıka mamandyqtary boıynsha bilim alǵan.

 1997 jyldan 2006 jyldyń qańtaryna deıin Qazaqstan Premer-mınıstriniń keńesshisi, Qazaqstan Respýblıkasy aýyl sharýashylyǵy vıse-mınıstri, birinshi vıse-mınıstri jáne aýyl sharýashylyǵy mınıstri laýazymdarynda qyzmet atqarǵan.

 2006 jyldyń sáýirinen 2007 jyldyń qyrkúıegi arasynda Qazaqstan Respýblıkasynyń Ózbekstan Respýblıkasyndaǵy Tótenshe jáne ókiletti elshisi.

 2007 jyldyń qyrkúıeginen 2009 jyldyń naýryzy aralyǵynda – «Ońtústik» Áleýmettik kásipkerlik korporasıasy» Ulttyq kompanıasy» AQ basqarmasynyń tóraǵasy.

 2009 jylǵy naýryzdan 2015 jylǵy tamyzǵa deıin - Ońtústik Qazaqstan oblysynyń ákimi.

 2015 jylǵy tamyzdan bastap 2016 jyldyń mamyryna deıin – «Nur Otan» partıasy tóraǵasynyń birinshi orynbasary.

 2016 jyldyń mamyrynan – QR aýyl sharýashylyǵy mınıstri.

 2016 jyldyń maýsymynda Memleket basshysynyń Jarlyǵymen Premer-mınıstrdiń orynbasary qyzmetine taǵaıyndaldy (QR Premer-mınıstriniń orynbasary – QR Aýyl sharýashylyǵy mınıstri boldy).