Memleket basshysy altynshy shaqyrylǵan Qazaqstan Respýblıkasy Parlamentiniń úshinshi sesıasynyń ashylýynda túsindirme jumystaryna erekshe nazar aýdarylatynyn atap ótti, dep habarlaıdy Qamshy.kz aqparat agenttigi Aqmola oblysy ishki saıasat basqarmasynyń Óńirlik komýnıkasıalar qyzmetine silteme jasap.
Osyǵan baılanysty, Qazaqstan Respýblıkasy Qarjy mınıstrliginiń Memlekettik kirister komıteti (MKK) Qazaqstannyń salyq tóleýshiler qaýymdastyǵynyń usynystary boıynsha Kókshetaý qalasynda jańa Salyq kodeksiniń normalaryn túsindirý jóninde kóshpeli jergilikti semınar ótkizdi.
Atalǵan semınar Qazaqstan Respýblıkasy Ulttyq ekonomıka mınıstrliginiń jaýapty qyzmetkerleri, QR QM Memlekettik kirister komıtetiniń tóraǵa orynbasary Arǵyn Qypshaqov, Qazaqstannyń salyq tóleýshiler qaýymdastyǵynyń ókilderi jáne MKK-niń bir top laýazymdy qyzmetkerleri qatysýymen ótti.
Sharaǵa Aqmola, Kostanaı ı Soltústik Qazaqstan oblystarynyń salyq tóleýshileri, qoǵamdyq birlestikter jáne kásipkerlik ortasynyń ókilderi qatysty.
Kirispe sóz Qazaqstannyń salyq tóleýshiler qaýymdastyǵy basqarýshy keńesiniń tóraǵasy Jannat Ertlesova sóıledi.
Jańa salyq kodeksiniń ıdeologıasy ózgertýdi kózdeıdi, endi ol adal salyqtóleýshileriniń múddelerdi qorǵaýǵa, ekonomıkanyń ár túrli sektorlaryn yntalandyrýǵa jáne ákimshilendirýdi jeńildetýge baǵyttalǵan. Endi ol salyqty tóleýge yntalandyrady.Sondaı-aq, Dúnıejúzilik saýda uıymynyń talaptarǵa qaıshy keletin artyqshylyqtar joıyldy. Shaǵyn jáne orta bıznesti damytý úshin qoldanystaǵy arnaıy salyq rejımderi saqtalatyn bolady. Patent qunynyń salyq stavkasynyń eki paıyzdan birge deıin tómendedi (saýda qyzmetin qospaǵanda). Eń úzdik álemdik tájirıbege súıene otyryp, jańa rásimder eńgizilgen - deńgeıles monıtorıń jáne aldyn-ala túsinikteme berý, soǵan sáıkes ýákiletti organnyń ustanymy ózgergen kezde josparlanǵan operasıalarǵa qatysty aıyppuldardy qoldanbaý kepildigi bar dengeıles monıtorıńynda turatyn salyq tóleýshiler jáne ınvestısıalyq jobalardy júzege asyratyn uıymdar qoldana alady .
Shara barysynda memlekettik kirister komıtetiniń qyzmetkerleri jańa Salyq kodeksindegi salyq saıasaty, salyqtyq ákimshilendirý, jer qoınaýyn paıdalanýshylarǵa salyq salý, arnaıy salyq rejimderin men qosymsha qun salyǵyn qaıtarýdy ákimshilendirýdi jetildirýdi túsinikti túsindirdi.
Ótkizilgen is-shara barysynda semınar qatysýshalarynan túsken suraqtarǵa tolyq jaýap qaıtaryldy.
