Ǵalymdar Óskemen qalasyndaǵy qorshaǵan orta jaǵdaıyna baǵa berý úshin qala turǵyndarynyń shashyn zerttedi, dep habarlaıdy Qamshy.kz aqparat agenttigi Reseıdegi Tomsk memlekettik ýnıversıteti saıtynyń deregine súıenip.  

Taldaý nátıjeleri boıynsha, óskemendikterdiń shashynda joǵary mólsherde tıtan konsentraty, qorǵasyn jáne birneshe aýyr metaldardyń túrleri bar ekeni anyqtalǵan.

Atalǵan ýnıversıtette jasalǵan zertteýge hımıa fakúlteti qyzmetkerleriniń avtorlyq ádistemeleri qoldanylǵan. 

«Bizdiń zertteý 18-70 jas aralyǵyndaǵy áıel jáne er azamattardyń shashtaryna jasaldy. Shashtyń  quramy adamǵa áser etetin joǵary mólsherdegi hımıalyq elementterdiń qospalaryn jaqsy kórsetedi. Taldaý nátıjeleri qala turǵyndarynyń shashynan tıtan, alúmını, marganes, lıtıı, kálsı jáne barıı elementterin kórsetti», - deıdi ǵalym Vladımır Otmahov.