25 aqpanda Elızabet Revol Nangaparbat-qa kóterilip esimi tarıhta qaldy. Alaıda, qýanysh qaıǵyly jaǵdaıǵa ulasty.

Shyńǵa jetkende fransýzdyq Elızabet Revoldiń seriktesi polák álpınıs Tomek Maskevıch ózin nashar sezinip, kózi kórmeı qalǵan, tynysy tarylyp, qan qusqan, áli ketkendikten sol jerde túneýge týra keldi. Biraq Tomek tómenge sol kúıi túse almady. Elızabettiń ony 7200 metr bıikte qatty sýyqta, daýylda qaldyrýyna týra keldi.

Elızabet Revol 40-gradýs sýyqta eki kún dalada qonǵan. Osy eki kúnde galúsınasıaǵa, sýyqqa, álsiregenine qaramastan 2 shaqyrymǵa túsip úlgerdi. Onda Elızabetti qutqarýshylar taýyp aldy.

- Tikushaq bizdi 4800 metr bıiktikke túsirip ketti. Buǵan deıin eshkim mundaı bıikke qonǵan emes, - deıdi qutqarýshylardyń biri Denıs Ýrýbko.

Fransýz áıeliniń qoly, aıaǵy úsken. Ásirese sol aıaǵy qatty zaqymdanǵan. Túnde Elızabet sol aıaǵyndaǵy aıaq kıimdi sheshim tastaǵan. Onyń kózine ol aıaq kıimin ystyq shaıǵa aıyrbastaǵandaı kóringen. Bes saǵattan keıin esin jıǵanda ystyq shaı kózine elestegenin túsingen.

Elızabet tumanda bıikke kóterilgende Tomek kúnnen qorǵaıtyn maskany kımegen. Shyńǵa shyqqanda kózi múlde kórmeı qalǵanyn aıtqan.  Jylǵaǵa demalýǵa túskende Tomaktyń murny men qoly úskenin baıqaǵan. Sonymen qatar, Tomak áreń demalyp, qan qusqan. Taýdyń bıik shyńyna jetkende kóp adamnyń ókpesi zaqymdanady. Shuǵyl medısınalyq kómek kórsetilmese tiri qalýy eki talaı.

Elızabet óz ómirin aman alyp qalý úshin aýyr ári sumdyq sheshim qabyldaýyna týra keldi. Elızabet Tomakty sol jerde jalǵyz qaldyrýǵa májbúr boldy. Bul sheshim - onyń óimir saqtap qaldy.