2017 jyly Qazaqstan ekonomıkasy 4 paıyzǵa ósken. Bul týraly premer-mınıstr Baqytjan Saǵyntaev Almatyda ótip jatqan Eýrazıalyq úkimetaralyq keńestiń otyrysynda málimdedi, dep habarlaıdy Qamshy.kz aqparat agenttigi.

Sonymen qatar úkimet basshysy Eýrazıalyq ekonomıkalyq odaqtyń isinde ilgerileý baryn atap ótti.

– Byltyr Eýrazıalyq ekonomıkalyq odaq elderi arasyndaǵy taýar aınalymy 15,6 mıllıard teńgege jetti, ıaǵnı 27 paıyzǵa artty, - dedi Baqytjan Saǵyntaev.

Jıynǵa tóraǵalyq etip otyrǵan Reseı premer-mınıstri Dmıtrıı Medvedev basqosýdy joǵary deńgeıde uıymdastyrǵany úshin Qazaqstan tarapyna alǵys aıtty.

Eýrazıalyq úkimetaralyq keńestiń kezekti otyrysyna QR premer-mınıstri Baqytjan Saǵyntaev, Armenıa premer-mınıstri Karen Karapetán, Belarýs premer-mınıstri Andreı Kobákov, Qyrǵyzstan premer-mınıstri Sapar Isaqov, Reseı premer-mınıstri Dmıtrıı Medvedev jáne Eýrazıalyq ekonomıkalyq komıassıanyń tóraǵasy Tıgran  Sarkısán qatysyp jatyr.