Kóktemge bir aı qaldy

    Myrzan Kenzhebai
    Kóktemge bir aı qaldy

    Kelýine kóktemniń bir aı qaldy,

    Kári qurdas qys endi tura almaıdy.

    Órekpigen júrekpen qarsy ap turmyn

    Qyr jaǵalap júgirgen qumaı tańdy.

    Qarsy ap turmyn alqynyp áldenege,

    Kóz aldymda dúnıe shyr aınaldy,

     

    Myna tańda tiri uıyqtap jata ma adam,

    Kóktemdi ańsap kóńiliń qatalaǵan.

    Altyn nurǵa aptatyp sáýkelesin,

    Taýlar jatyr aq mamyq opalaǵan,

    Myna tańda tiri uıyqtap jata ma adam.

     

    Kep qalǵandaı úrzada úkili úmit

    Aq tıinder kóktemniń qutyn uǵyp

    Oınaqtasa terek-qyz sheshinedi

    Aq kóılek bop aqsha qar sypyrylyp.

     

    Bir jybyr bar... uǵynba, uǵyn meıliń,

    Aqyn emes adamǵa bilinbeıdi,

    Búlkildetip baýyryn jel ıiskese,

    Muzdyń ózi maıysyp kúlimdeıdi.

     

    Syrly áýenge áldebir sıqyrlanyp,

    Ańsap erteń bıleıtin bıdi yrǵalyp,

    Muz astynda  aq bulaq alqynady,

    Qus keler dep bir uly qıqýdy alyp.

     

    Sen joqsyń ǵoı!

    Bar bolsań keler ediń

    Ýh, shanshıdy júregim nege meniń?

    Kóktem qyzdyń kóp syryn bilsem daǵy,

    Bilmeı turmyn ne alyp, ne bererin.

     

    Kelýine kóktemniń bir aı qaldy,

    Arylǵaı ta kóńilden tuman-qaıǵy.

    Endi qansha kóktemim qaldy deısiń,

    Kúnde ertemen kúteıin qumaı tańdy.

    Myrzan KENJEBAI

    Qatysty Maqalalar

    JAŃA KİTAPTYŃ TUSAÝY KESİLDİ

    JAŃA KİTAPTYŃ TUSAÝY KESİLDİ

    10:56, 05 qarasha 2026
    Dáýir bıiginen estilgen jyrlar

    Dáýir bıiginen estilgen jyrlar

    22:02, 19 tamyz 2026
    Mahambet-Maǵjan ólmepti!

    Mahambet-Maǵjan ólmepti!

    14:19, 10 aqpan 2026