Ońtústik Qazaqstanda oblysty basqarý sqemasy negizinde 23 basqarmanyń keıbirinen birqatar mindetter alynyp 4 basqarmanyń ataýy qaıta aýystyryldy. Sonymen qatar týrızmdi damytý jáne tartylatyn syrtqy ınvestısıanyń kólemin arttyrý maqsatynda jańa basqarma quryldy, dep jazady Qamshy.kz aqparat agenttigi OQO ákimdiniń baspasóz qyzmetine silteme jasap.
Atalǵan basqarmalardyń ataýyn ózgertip, jańa basqarmany qurý týraly sheshim ótken jyldyń qazanynda ótken oblystyq máslıhat sesıasynda bekitilip, oblys ákiminiń qaýlysymen qurylyp otyr.
Atap aıtsaq, oblystyq kásipkerlik, ındýstrıaldy-ınnovasıalyq damý jáne týrızm basqarmasynyń týrızm salasyndaǵy fýnksıalary men ókilettikteri berile otyryp «Ońtústik Qazaqstan oblysynyń týrızm jáne syrtqy baılanystar basqarmasy» qurylyp, «Ońtústik Qazaqstan oblysynyń kásipkerlik jáne ındýstrıaldy-ınnovasıalyq damý basqarmasy» bolyp qaıta ataldy.
Al oblystyq Mádenıet basqarmasy «Ońtústik Qazaqstan oblysynyń mádenıet jáne tilderdi damytý basqarmasy» bolyp, oblystyq tilderdi damytý, arhıvter men qujattama basqarmasy «Ońtústik Qazaqstan oblysynyń aqparattandyrý, memlekettik qyzmetter kórsetý jáne arhıvter basqarmasy» bolyp qaıta ataldy. Oǵan oblys ákimi apparatynyń aqparattandyrý jáne memlekettik qyzmetter kórsetý salasyndaǵy fýnksıalary men ókilettikteri berildi.
Budan bólek, oblystyq jastar saıasaty máseleleri jónindegi basqarmaǵa bilim basqarmasynyń qorǵanshylyq, qamqorshylyq jáne balalardyń quqyǵyn qorǵaý salasyndaǵy fýnksıalary men ókilettikteri berile otyryp, «Ońtústik Qazaqstan oblysynyń otbasy, balalar jáne jastar isteri jónindegi basqarmasy» bolyp aýystyryldy.
