Ońtústik Qazaqstan oblysynyń ákimi Janseıit Túımebaevtyń ókimimen jańadan qurylǵan jáne ataýlary ózgergen basqarmalardyń basshylary taǵaıyndaldy, dep habarlaıdy Qamshy.kz aqparat agenttigi OQO ákimdiginiń baspasóz qyzmetine silteme jasap.

Atap aıtqanda, Kásipkerlik jáne ındýstrıaldy-ınnovasıalyq damý basqarmasynyń basshysy bolyp Batyrhan Qurmanseıit, Aqparattandyrý, memlekettik qyzmetter kórsetý jáne arhıvter basqarmasy basshysy laýazymyna Bastar Esqaraev taǵaıyndaldy.

Otbasy, balalar jáne jastar isteri jónindegi basqarma basshysy qyzmetin Balmarjan Narbekova atqaratyn boldy.

Al Mádenıet jáne tilderdi damytý basqarmasy basshysy mindetin ýaqytsha atqarý Asylhan Temirhanǵa tapsyryldy.

«Ontustik Tourism Center» týrızm ortalyǵynyń dırektory Oljas Shıntaev atalǵan qyzmetinen bosatyla otyryp, Týrızm jáne  syrtqy baılanystar basqarmasy basshysynyń mindetin ýaqytsha atqarýshy bolyp taǵaıyndaldy.

Buǵan deıin habarlaǵanymyzdaı, Ońtústik Qazaqstanda oblysty basqarý sqemasy negizinde 23 basqarmanyń keıbirinen birqatar mindetter alynyp,  4 basqarmanyń ataýy qaıta aýystyrylǵan bolatyn.