Ońtústik Koreıanyń Phenchhan qalasynda ótetin Qysqy Olımpıada oıyndarynyń bastalýyna birneshe kún qalǵanda shańǵyshylardy  dopıngke tekserý jumystary júrgiziledi. Bul jaıynda álemdik BAQ habarlaıdy.

Osy ýaqytqa deıin júzdegen shańǵyshylar jarys aldynda qan qysymynyń joǵary bolýyna qaramastan jarystan shettetilmeı kelgen. Osy máseleni qozǵaǵan brıtanıalyq The Sunday Times gazeti men nemistiń ARD telekompanıasy málimetter bazasynan sporttyń eki myń túrinen qatysqan  10 myń sportshynyń  qan analızin aldy.

2001 jyldan beri Álem chempıonaty men Olımpıada oıyndaryn eseptegende árbir úshinshi medaldi alǵan sportshynyń qan saraptamasy kúdik týdyryp otyr. Onyń ishinde  altyn medal alǵan 91 sportshy da bar.

Dopıng qoldanýdan Reseı basqa elderdiń aldyna túsip, kósh bastap tur. Sol sebepti bıyl Reseı sportshylary óz eliniń atynan jarysqa qatysa almaıdy. 

"Jumada Phenchhanda qysqy Olımpıada oıyndarynyń bastalýyna birneshe kún qalǵanda dopıng daýy qaıta qozǵalýy múmkin",- dep jazady Sunday Times.

Basylymnyń málimetinshe, bıylǵy Ońtústik Koreıadaǵy jarysqa qatysatyn 50 shańǵyshynyń qan quramy 2001-2010 jyldar aralyǵynda dopıng qoldanǵan dep tanylǵandar. Alaıda olar osy ýaqytqa deıin áshkerelenbeı kelgen.