Túrikterge eskertem,
Bizdeı emes esh meken.
Bilip júrsin biraqta,
Altyn syrǵa qulaqqa.
Bul qazaqty basynǵan,
Jete qoımas muratqa!

Qytaılarǵa eskertem,
Bizdeı emes esh meken.
Óz ıleýin ılesin, 
Qyzymyzǵa tımesin.
Azamattyq alam dep,
Betke maska kımesin!

Aǵylshynǵa eskertem,
Bizdeı emes esh meken.
Uqsyn tipti uqpasyn,
Muryndaryn tyqpasyn.
Qazaq qana ustaıdy,
Bul Otannyń tutqasyn!

Uıǵyrlarǵa eskertem,
Bizdeı emes esh meken.
Pysyq solar kóbine,
Shyǵyp alǵan tórime.
Tynysh jortqan túzdegi, 
Tıispesin bórige!

Arabtarǵa eskertem,
Bizdeı emes esh meken.
Kórsetken soń tóbesin,
Musylman dep senesiń. 
Qazaqtardy dollarmen,
Arab qylam demesin!

Káristerge eskertem,
Bizdeı emes esh meken. 
Qaza bermeı kenimdi, 
İs jasasyn senimdi.
Kendi satyp alǵanmen,
Satyp almas Elimdi!

Orystarǵa eskertem,
Bizdeı emes esh meken. 
Kórshi bolsa kóktesin,
İrgemizdi sókpesin. 
Buǵaýymda boldy dep,
Buǵanamnan teppesin!

Ózbekterge eskertem,
Bizdeı emes esh meken.
Bursadaǵy at basyn,
Bárin este saqtasyn. 
Jemisimdi satsa da,
Kelisimdi satpasyn.

Qyrǵyzdarǵa eskertem,
Bizdeı emes esh meken.
Eldiń burǵan nazaryn,
Bıznesi bazarym.
Biraq árbir bazardyń, 
Qojaıyny qazaǵym!

Bárine de eskertem, 
Bizdeı emes esh meken.
Qonaqjaımyz, ańǵalmyz,
Kókbórimiz, tarlanbyz. 
Dushpandy da dos kórer,
Dosqa adal jandarmyz!

Eń sońǵy ret eskertem,
Bizdeı emes esh meken.
Meıli, kezip álem kór, 
Qushaq ashpas bar elder.
Qandaı qazaq kórseń de,
Attan túsip sálem ber.
Sonda qazaq saǵan da,
Qazaqtyǵyn dálelder!

Saıat Ábenov