14 aqpanda Astanada QR Prezıdenti ákimshiliginiń mańynda narazylyq aksıasy ótti, dep jazady Qamshy.kz aqparat agenttigi.
Jergilikti BAQ-ń habarlaýynsha, narazylyqqa qalanyń úsh turǵyny qatysqan, olar: Vladlen Soı, Sholpan Aıtbaeva jáne Lúbov Erýbaeva, olarmen birge SHQO turǵyny Kenjeǵaısha Rahımbaeva da bolǵan.
Narazylyq aksıasy barysynda V. Soı K. Rahımbekovany sham baǵanasyna baılap qoıǵan. Olar osylaısha, qylmys jasap, túrmege qamalǵan balalaryn shyǵaryp almaq úshin Nursultan Nazarbaevtyń nazaryn aýdarǵysy kelgen.
Naqtylap aıtsaq, K. Rahımbekovanyń uly esirtki taratqany úshin tutqyndalǵan bolsa, Sh. Aıtbava alaıaqtyq úshin sottalǵan kúıeý balasy men qyzynyń bostandyǵy úshin jáne V. Soı sheneýnikterdiń óz bıznesin tartyp alǵany úshin narazylyq bildirýge shyqqan.
Aksıaǵa qatysýlar tergeý barysyndaǵy zań buzýshylyqtar men memlekettik organdardyń máseleniń anyq-qanyǵyna jetýde nemquraılyqpen qaraǵanyna, dálelderge mán bermegendikterine nalyǵan.
Az ýaqyttan soń, tarqaǵysy kelgen olardy omon qyzmetkerleri ustap, avtobýsqa salyp áketken.
Bul áreketten keıin, K. Rahımbekova olardy áýeli Astana Esil aýdandyq İİB -ǵa, sońynan ákimshilik sotqa jetkizgenin aıtyp berdi. Alaıda Sh. Aıtbaeva ózin nashar sezingendikten, ony jedel járdem qyzmetimen aýrýhanaǵa alyp ketken.
