Jýyrda 365info.kz saıtyndaǵy "Abylaı han portretin tatýǵa aınaldyryp jiberdi" degen maqalasynda tilshi Dmıtrıı Drozdov bilegine ıne arqyly Abylaı hannyń sýretin saldyrǵan adam jaıly jazypty.
"Almatylyq tatý sheberi Besarıon Papıa erekshe tapsyrysty oryndady, ol óz qyzmetin tutynýshy bilegine Abylaı hannyń beınesin salyp berdi" delinedi bul maqalada.
Sheber bul tapsyrysshynyń tegine baılanysty jasaǵan tatýy ekenin, sondyqtan oǵan túsinistikpen qaraǵanyn, onyń pálsapalyq maǵynaǵa ıe ekenin, ásirese uly hannyń beınesin onyń urpaǵynyń qolyna túsirý jaýapty is bolǵanyn aıtypty.
Sondaı-aq ol tilshimen suhbatynda qazirgi jastardyń tatýǵa óte jaýapty qaraıtynyn, kóbine denege saldyrtqan sýretter tulǵanyń ishki jan-dúnıesin, rýhanı deńgeıin tanytatynyn jetkizipti.
Al han sýretin denesin saldyrtqan adam óziniń aty-jónin atamaýdy suraǵan. Nur.kz
