Oblys ortalyǵynyń jolaýshylaryna tegin ınternet júıesi tartylǵan qoǵamdyq kólikter qyzmet kórsetpek dep habarlaıdy "KTK" arnasy.

Ortalyq alańda tizilip turǵan myna sý jańa 200 avtobýstyń ózge qoǵamdyq kólikterden ereksheligi kóp. Birinshiden aýany az lastaıtyn gazben júredi.

Al eń bastysy endi kólikterde ánderdi tegin júktep, áleýmettik jelilerde ish pystyrmaı ýaqyt ótkize alasyz. Jolaýshylar tasymaldaý kompanıasy mundaı 200 avtobýs úshin eki jarym mıllıard teńge jumsapty.

Jańa avtobýstardy tizgindeıtin júrgizýshilerge de arnaıy ýnıforma tigilgen eken. Eski kólikterinen qutylǵanyna qýanyp júrgenderdiń de deni sol júrgizýshiler.

"5 jyldan beri avtobýs aıdap júrmiz. Bundaı sý jańa avtobýs kórgen joqpyz. Endi eldiń bári osy avtobýsqa júgirip, basqa avtobýsqa minbeı qoıatyn shyǵar dep oılaımyn", - deıdi avtobýs júrgizýshisi Jańabek Tájimuratov.