Qazaqstan Prezıdenti Nursultan Nazarbaev Qytaı halqyn «CCTV-13» arnasyna bergen suhbatynda jańa jyldarymen quttyqtady, dep jazady Qamshy.kz aqparat agenttigi.

Qytaıda basty arna sanalatyn «CCTV-13» arnasy Qazaqstan Prezıdentiniń Qytaı halqyn jańa jylmen quttyqtaǵan vıdeosyn jarıalady.

Kele jatqan Kóktem merekesi Qytaı kúntizbesi boıynsha Jańa jyl bolyp sanalady.

«Qytaıdyń tatý kórshisi retinde Qazaqstan halqy qytaılyqtardy Jańa jyl merekesimen quttyqtaıdy. Barsha Qytaı halqyna tynyshtyq pen bereke, zor densaýlyq, baqyt tileımin. Sonymen qatar, 19-sezde qoıylǵan maqsattarǵa merziminen buryn qol jetkizip, jaqsy nátıje kórsetýlerin tileımin. Eki eldiń qarym-qatynasy óte tyǵyz bolǵandyqtan, Qytaı halqynyń baqyty biz úshin óte mańyzdy. Aldaǵy ýaqytta áli de kóptegen jumysty birlesip atqaratyn bolamyz», - dep atap ótti Elbasy.

Qazaqstan Prezıdenti Qytaı halqyn TV arqyly Jańa jyl merekesimen quttyqtaǵan alǵashqy sheteldik kóshbasshylardyń biri boldy.

Eske sala keteıik, Qazaqstan Prezıdenti Nursultan Nazarbaev juma kúni Qytaıdyń «CCTV-13» arnasyna suhbat bergen bolatyn.