Júzdegen musylman áıel kishi jáne úlken qajylyq kezindegi seksýaldy zorlyq týraly ashyp aıtty Qamshy.kz aqparat agenttigi sheteldik BAQ-qa silteme jasaı otyryp. Olar óz bastarynan ótken oqıǵany #MosqueMeToo heshtegi arqyly áleýmettik jelige jarıalaýda.
«Meniń 33 jastaǵy Kaırdyń turǵynymyn. Men qajylyq kezinde seksýaldy jábirdi eki ret basymnan ótkerdim. Men alǵash ret 22 jasymda Ýmra jasadym. Qajylyq jasap júrgende artymnan bóten erkek túrtip, maǵan tıisti. Kelesi qajylyq saparym birneshe jyldan keıin boldy. Men Qasıetti Qaǵbany taýaf etip, aınalyp júrgen kezde meniń artymnan bóten jigit qalmaı erip júrdi. Alǵashynda men sáıkestik dep oıladym. Alaıda ol biraz ýaqyttan keıin maǵan qarap jymıyp, meniń kózime uzaq ýaqyt qarap turǵanyn baıqadym. Men onyń kózqarasynan qatty shoshynyp qaldym. Bul oqıǵany men eshqashan umyta almaımyn», - deıdi Salma Omar atty úsh balanyń anasy.
Sonymen birge ol osy sekildi jaıttar kez kelgen memlekette, qalada bolýy múmkin, alaıda qasıetti Mekkede osyndaı jaıttyń oryn alýy adam sengisiz ekenin aıtty.
Keı adamdardyń pikirinshe bul oqıǵany seksýaldy zorlyq dep ataýǵa bolmaıtyn shyǵar. Alaıda Islam dinin qatty ustanatyn eldiń turǵyndary úshin bul qalypty jaǵdaı emes. Sonymen birge kóptegen adamnyń oıynsha, bes paryzdyń birin oryndap jatqan musylman jaman pıǵyldy oıyna da almaý kerek.
Al keıbir musylmandar áleýmettik jelidegi osyǵan uqsas jazbalarǵa qarsy pikirin bildirip te jatyr. Olar da Mekkege birneshe ret barǵanyn, alaıda osyǵan uqsas jaıtty eshqashan kezdestirmegenin alǵa tartýda.
