Oblystaǵy shaǵyn jáne orta bızneste 110 myń sýbekti, olarda jumys isteıtinderdiń sany 11%-ǵa ósip, 248 myń adamǵa jetti. Osy salada óndirilgen ónim men kórsetilgen qyzmet kólemi 1 trln teńgeniń aınalasynda, olardan 75 mlrd teńge salyq túsip, onyń jergilikti búdjettegi úlesi 37-den 43%-ǵa ósti. Oǵan qosa SHOB-nyń bıylǵy jyly 12 myń jumys ornymen 100 jańa nysany ashylatyn bolady. Bul sıfrlyq kórsetkishter oblys ákimi A. Batalovtyń esep berý jıynynda aıtyldy, - dep habarlaıdy Qamshy.kz aqparat agenttigi Almaty oblysy ákiminiń baspasóz qyzmetiniń málimetine súıenip.
— Elbasynyń Joldaýyn júzege asyra otyryp, biz bıylǵy jyly kásipkerlik salasynda qýaty ártúrli 100 nysan ashýdy kózdep otyrmyz. Sóıtip SHOB-dan túsetin salyq kólemin 45%-ǵa deıin jetkizbekpiz. Sonyń nátıjesinde shaǵyn jáne orta bızneste 12 myń azamat jumyspen qamtylatyn bolady. Bul óz kezeginde ózin-ózi jumyspen qamtyǵan azamattardyń edáýir bóligin jumysqa ornalastyrýǵa jáne olardyń jumyspen qamtylǵandar arasyndaǵy úlesin 30-dan 25%-ǵa tómendetýge jaǵdaı jasaıdy, - dedi A. Batalov.
Almaty oblysynda kásipkerlikti damytýdyń múmkindikteri mol. 2017 jyly memlekettik qoldaý kólemi 9,3 mlrd teńgeni qurady. Bıylǵy jyly «Bıznestiń jol kartasy – 2020», «Nátıjeli jumyspen qamtý jáne jappaı kásipkerlikti damytý» baǵdarlamalary aıasynda jáne «Damý» qory arqyly 7,9 mlrd teńge qarastyryldy. Oblystyń barlyq aýdan ortalyqtarynda «bir tereze» qaǵıdatymen jumys isteıtin Kásipkerlerge qyzmet kórsetý ortalyǵy ashylatyn bolady. Qazir mundaı ortalyqtar Taldyqorǵan, Tekeli qalalarynda jáne Eskeldi aýdanynda bar.
