Almaty oblysynda búgingi kúni gazdandyrý deńgeıi 26,2%, ıaǵnı 718,5 myń adam turatyn 123 eldi meken kógildir otynnyń ıgiligin kórip otyr. Ótken jyly gazdandyrýǵa 11,4 mlrd. teńge bólinip, 11 aýdanda osy baǵytta jumys júrip jatyr. Al 2020 jylǵa qaraı Almaty aglomerasıasy aımaǵy men Qapshaǵaı qalasy kógildir otynmen qolyq qamtylǵanda gazdandyrý deńgeıi 45% jetedi. Bul týraly búgin oblys ákimi Amandyq Batalovtyń turǵyndarmen bolǵan esepti kezdesýinde aıtyldy, - dep habarlaıdy Almaty oblysy ákiminiń baspasóz qyzmeti.

Oblys basshysynyń aıtýynsha, Taldyqorǵan qalasynda qalaishilik júıelerdiń birinshi kezektegi qurylys-montaj jumystary aıaqtalyp, tabıǵı gazǵa 324 abonent qosyldy, qazir ekinshi jáne úshinshi kezektegi qurylys jumystary júrip jatyr.

Tekeli qalasyna deıin gaz qubyryn tartý men «Baqanas», «Saryózek» jáne  «Úshtóbe» AGTS qurylystary bastalǵan.