Dmıtrıı Golobýrda 1973 jyly Almatyda dúnıege kelgen. 1995 jyly ál-Farabı atyndaǵy Qazaq memlekettik ulttyq ýnıversıtetin «quqyqtaný» mamandyǵy boıynsha támamdaǵan.

Eńbek jolyn 1995 jyly bastaǵan.

1995 jyldan bastap 2009 jylǵa deıin QR ÁM Zań shyǵarý ǵylymı-zertteý ınstıtýtynda, sondaı-aq úkimettik baılanysty qamtamasyz etý júıesinde jumys istegen. 2009–2012 jyldar aralyǵynda «Telekomýnıkasıa salasynda tehnıkalyq súıemeldeý jáne taldaý ortalyǵy» RMK dırektorynyń birinshi orynbasary laýazymyn atqarǵan.

2012–2014 jyldar aralyǵynda QR UQK Arnaıy aqparattyq qyzmeti dırektorynyń birinshi orynbasary laýazymyn atqarǵan. 2014 jyldyń sáýirinen bastap tamyz aıyna deıin — QR Baılanys jáne aqparat agenttigi tóraǵasynyń orynbasary.

2014–2016 jyldar aralyǵynda — QR IDM Baılanys, aqparattandyrý jáne aqparat komıteti tóraǵasynyń orynbasary.

2016 jyldyń qarasha aıynan qazirgi tańǵa deıin QR qorǵanys jáne aeroǵarysh ónerkásibi vıse-mınıstri qyzmetin atqarǵan.