Keńes aıasynda «100 naqty qadam» Ult josparynyń 68 qadamyn oryndaý, ushýlardyń qaýipsizdigin jáne otandyq kadrlar daıarlaý sapasyn odan ári arttyrý sheńberinde Qazaqstan arqyly avıatranzıttiń tartymdylyǵyn arttyrý úshin áýe tasymaldaryn memlekettik retteý tıimdiligin jaqsartý máseleleri qaraldy.
Jalpy azamattyq avıasıa salasy damýynyń aǵymdaǵy jaı-kúıi týraly QR ınvestısıalar jáne damý mınıstri J. Qasymbek baıandady.
QR IDM málimetterine sáıkes jolaýshylar aǵymynyń ósý qarqyny 2017 jylǵa 23% qurady. IKAO talaptaryna sáıkestilik deńgeıi boıynsha Qazaqstan TMD elderi arasynda ekinshi orynda.
Infraqurylymdyq damý turǵysynan 15 ushý-qoný jolaqtary men 11 termınaldy jóndeý jumystary aıaqtaldy.
Keńes barysynda sondaı-aq energetıka mınıstri Q. Bozymbaev, «Astana» Halyqaralyq qarjy ortalyǵynyń basqarýshysy Q. Kelimbetov, «Eır Astana» AQ josparlaý boıynsha atqarýshy dırektory A. Álǵojına,«SCAT» áýe kompanıasy» AQ prezıdenti V. Denısov, «Qazaq Air» AQ basqarma tóraǵasy A. Bler, «Bek Eır» AQ bas dırektory S. Omarjanov jáne basqalary sóz sóıledi.
Talqylaý qorytyndysy boıynsha Baqytjan Saǵyntaev QR ınvestısıalar jáne damý mınıstrligine múddeli memlekettik organdarmen jáne ulttyq kompanıalarmen birge jumys tobyn qalyptastyrý men iri jáne shaǵyn avıasıany damytýdyń keshendi baǵdarlamalaryn ázirleýdi tapsyrdy.
