It tirlik – aýyl jaǵdaıy.

It qyrylǵan jyl – qazaqtyń qalmaqtardy jeńgen kezi.

It ólim – qańǵybastyń o dúnıege attanýy.

Itshileý – bazar, vokzalda táshki súıretý.

Itteı bolý – páter jaldaý.

Itkózdený – kindigin ashyp júretin qyzdarǵa qaraý.

It minez – bastyqtardyń bolmysy.

It ólgen jer – shalǵaıdaǵy aýyldar.

Itkúrke – saıajaı.

Ine jutqan ıtteı kún keshý – jataqhana stýdentteriniń ash qaryn júrýi.

Itsıgek – dárethana.

Italaqaz – Amerıka qurama shtattary.

Itmuryn – jerdi «timiskilegen» geolog, arheologtar.

Itbalyq – vodolaz.

It-qus – sheteldik ınvestorlar.

Itjandy – kedeı jáne qaıyrshylar.

Itaıaq – statısıka.

It terisin basyna qaptaý – Muhtar Shahanovtyń ana tilinen maqurym qazaqtardy synaýy.

Itjeıde – ólshep satylatyn arzan kıimder.

Ittis – soǵysqumar prezıdentterdiń azýy.

It qoryǵan jerge ósh – jezóksheler jaılaǵan kósheler.

Itjekken – «Jetim burysh».

It joqta shoshqa úredi – Qazaqstandaǵy orys tiliniń ústemdigi.

It ıtti, ıt quıryǵyn jumsaıdy – bir tapsyrmany oblys basshysy aýdan ákimine, al aýdandiki aýyl ákimine beredi.

Aýzyna aq ıt kirip, kók ıt shyqty – temeki shegip turǵan adam.

Itshe yryldasý – aıtys ónerindegi aqyndardyń saıysy.

It pen mysyqtaı – bılik pen opozısıanyń araqatynasy.

Itim bilsin – «jubaıym bilýi tıis».

It silikpesin shyǵarý – aıyqtyrǵyshtaǵy mastardyń «qaltasyn qaǵý».

It baılasa turǵysyz – monoqalalar.

It úredi, kerýen kóshedi – BAQ synynan sheneýnikter nátıje shyǵarmaıdy.

Úıdiń kishisi bolǵansha, ıttiń kúshigi bol – Sheshenstanǵa shabýyl jasaǵan Reseıdiń talaby.

Úıkúshik – Óskemenge qosylǵan Semeı men Qostanaı qaramaǵyndaǵy Torǵaı.

Kúshik kúıeý – táýeldi memleket.

Sútke tıgen kúshikteı – jumyssyz qalǵan adam.

Itarshy – saıası ókilder.

Itshana – mınıstrlik jetegindegi agenttik, departamentter.

«Ket!» degende ıt te ketedi – Jeltoqsan kóterilisinen keıin Kolbınniń taqtan taıýy.

Itten de jaman – Stalın.

Itshe ulý – keıbir estrada «juldyzdarynyń» sıqy.

It jyly – aıtpasa da túsinikti ǵoı.

Erkeǵalı BOLATULY