Ótken joly tanymal ánshi akterlerdiń arasynda jubaıyn, otbasyn jasyratyndar jaıly áńgime qozǵaǵan bolatynbyz. Saıtymyzǵa kelip túsken oqyrmandar pikirine júginsek, "jumbaq jubaılardyń" qupıasy kópshilik oılaǵannan da kóp sıaqty.

Mine, osy pikirlerdi eskere otyryp, Qazaqstan sahnasyndaǵy jasqa qaramaıtyn mahabbat ıelerin túgendep kórgen edik.

Tanymal ánshi Dılnaz Ahmadıeva turmysqa shyqqannan bastap jarynyń kim ekenin jasyrýmen áýre boldy. Tipti toı sýretterinde eshkimge jarıalatpady. Dılnazdyń júregin kim jaýlady eken degen syrt kózdiń suraǵy basyla bergende, ánshi kúıeýiniń sýretin áleýmettik jelidegi paraqshasyna salǵan edi.

Biraq sýret sońynda qaldyrylǵan pikirlerge qaraǵanda Dılnazdyń jary ózinen 8-10 jas kishi degen pikirler kóp aıtylǵan. Biraq, ánshi osy pikirlerdi rastaǵan joq. Árıne, joqqa da shyǵarmaǵan.

Gúlnur Orazymbetova ózinen 21 jas úlken memlekettik qyzmetkerge turmysqa shyqqan. Búginde eki bala tárbıelep otyr.

"Mahabbat eshteńege qaramaıdy. Bizdiń aramyzdaǵy túsinistikti taza sezim dep aıta alar edim. Otbasyn qurý úshin nemese bireýdi súıý úshin eshqandaı qaǵıdanyń qajeti joq dep oılaımyn. Ol kisi sportpen turaqty aınalysady. Keıde tipti qımyl-qozǵalysy mennen shıraq", - degen edi ánshi ómirlik jary jaıly.

Tanymal ánshi Madına Sádýaqasovanyń kúıeýi Oljas ózinen 7 jas kishi. Ánshi jary ekeýiniń arasyndaǵy jas shamasyn basynan bastap jasyrǵan da emes.

Qaıta "Mahabbat jasqa qaramaıdy degen osy shyǵar. Oljastyń jasy mennen kishkentaı bolǵanymen kórgeni kóp. Keıde maǵan aqyl aıtyp otyrady. Endi aramyzda balamyz bar. Náresteniń tárbıesine kóp kóńil bólip jatyrmyz. Jasymyzǵa qatysty qazirge túsinispestik bolǵan emes" degen.

Madına búginde Oljas esimdi jarymen birge baqytty ómir súrip jatqanyn da aıtty.

Tanymal ázilkesh Dáýit Shaıhyslamovtyń jary belgili jýrnalıs ári prodúser Dana Ormanbaeva. Olda óziniń kúıeýinen birshama úlken.

Bul juptyń otasqanyna da biraz ýaqyt bolyp qaldy. Olardyń balalary da qazir ósip qalǵan.

Belgili akter Asanáli Áshimovtyń jary ózinen álde qaıda jas bolsa da ekeýi baqytty. Bul juptyń Asanáli Asanáli esimdi uldary bar.

Rústem Nurjigittiń de jary ózinen úlken. Ol "Jas aralyqta turǵan eshteńe joq dep oılaımyn. Bastysy túsinistikte. Qazir  balamyz ósip kelejatyr. Bizdiń aramyzda osy jasymyzǵa qatysty másele bolady dep oılamaımyn" degen bolatyn. Dese de ánshi jarynyń naqty kim, qansha jasqa ózinen úlken ekenin aıtýdan bas tartady.

Ánshi Baıan Nurmyshevanyń jary jaıly da áleýmettik jeli qoldanýshylar túrli pikir taratty. Buryndary halyq bul ánshini ózinen álde qaıda úlken kisige turmysqa shyqty deıtin. Qazir qaıta jas jigitpen bas qosty deıtin bolypty.

Ol Erlan Orynbasarov deıtinderdiń qatary kóp. Al ánshi qyz jigitti prodúserim degendi alǵa tartady. Baıannyń ózi prodúserimen tek jumys boıynsha ǵana qarym-qatynasy baryn aıtyp júr. Biraq Baıannyń jary jaıly aıtýyna osy kisi tyıym salypty mys.

Ánshi Qurmash Mahanov ta jubaılar arasyndaǵy jas shamasyna qatysty sóıleskisi kelmeıtinderdiń biri. Bul taqyrypqa oraı ol jýrnalıserge bergen suqbatynda "Osy suraq meniń bolnoı temam" dep qysqa qaıyrǵan edi.

Al belgili telejúrgizýshi, jýrnalıs Marjan Sultanbaevanyń da jarynyń kim ekenin bilgisi keletinder kóp eken. Marjan turmysqa shyqqaly otbasylyq ómir men kúıeý tárbıesi jaıly jeke paraqshasynda jıi aıtyp júr.

Sol aqyl keńesi úshin biraz halyqtyń synyna ushyrady desek te bolady. Óz kezeginde oqyrmandar Marjandy "ózinen eresekteý dindar kisiniń úshinshi nemese tórtinshi toqaly" dep kóp jazdy.

Al telejúrgizýshiniń ózi qazirge halyq suraǵyna naqty jaýap berýden bas tartyp otyr.

Tek áleýmettik jelilerdiń birinde "osyraq shaly" bar ekenin aıtyp qalǵan edi. Jaqynda ǵana ekinshi ret otaý kótergen Erkin Nurjannyń jary ózinen 14 jasqa kishi.

Bul jup ta jaqynda ǵana balaly bolǵan edi. Biraq ánshiniń ózi otbasy jaıly ashyq ári barlyq suraqqa jaýap berýden kóp qashqaqtaıdy.