Gonkongta jańadan týylǵan qyz bala júkti bolyp shyqty, onyń qursaǵynan eki ul balanyń embrıony anyqtaldy, - dep habarlaıdy Live Science.
Basynda dárigerler jańa týǵan sábıde isik bar dep kúdiktengen, ol gınekologterdiń erekshe baqylaýyna alyndy. Últradybystyq tekserýdiń nátıjesinde onyń qarnynda bógde zattardyń bary anyqtaldy. Týǵanyna úsh apta bolǵan qyz balaǵa operasıa jasaǵan kezde onyń baýyry men búıregi arasynan eki sharana tabyldy. Biriniń salmaǵy - 9,3 gram, ekinshisi - 14,2 gram, ıaǵnı olar júktiliktiń segizinshi jáne onynshy aptasynda bolǵan. Sharanalardyń kindigi qyzdyń ishindegi plasenta tárizdi massaǵa jalǵanypty.
Embrıonnyń ishinde embrıonnyń bolýy ortasha eseppen jarty mıllıon júktilik jaǵdaıynda bir ret kezdesedi. Ǵalymdar arasynda onyń paıda bolý sebebi jóninde daýly pikirler bar. Dúnıejúzilik densaýlyq saqtaý uıymy náresteniń qursaǵyndaǵy uryq isiktiń bir túri dep esepteıdi, al Gonkong dárigerleri bolsa, kishkentaı pasıent júkti emes, anasynyń júktiligi barysynda onyń aǵzasyna belgisiz sebeppen qursaqtas qos syńary enip ketken dep otyr.
Qazirgi zamanǵy medısına tarıhynda mundaı jaǵdaı barlyǵy 200 ret tirkelgen.
