Tegin tamaqtanatyn oqýshylar sany qysqarmaıdy dep málimdedi Bilim jáne ǵylym mınıstri Aslan Sárinjipov.

"Bul jerde qandaı da bir ózgerister bolmaıdy, ıaǵnı tegin tamaqtanatyn áleýmettik topqa jatatyn balalar tegin tamaqtanýdy jalǵastyra beredi. Jergilikti qarajat múmkindiginshe tegin tamaq usynyla beredi. Qazirgi tańda biz qysqartý jaǵyn qarastyryp jatqan joqpyz", - dedi Sárinjipov beısenbidegi brıfıńte.

Onyń aıtýynsha, qazirgi tańda oqýshylardyń 30% -y tegin tamaqtanady.

"Qazirgi tańda jergilikti búdjet esebinen balalardyń 30%-y tegin tamaqtanady. Ol barlyq áleýmettik topty qamtıdy, keıbir óńirlerde bastaýysh synyp oqýshylary da tegin tamaqtanady", - dedi BǴM basshysy.

Eske salsaq, jaqynda úkimettiń keńeıtilgen otyrysy barysynda memleket basshysy Nursultan Nazarbaev ata-analar balalarynyń aırany men toqashyn ózderi satyp alýlary kerek dep málimdegen bolatyn.

"Sondaı-aq mekteptegi balalar tamaqtanýy boıynsha. Ata-analar óz balalarynyń tamaqtanýyn qamtı almaı ma? Biz bárimiz de oqydyq, qaltamyzǵa aqsha salatyn, qońyraý kezinde aıran men toqash (satyp alatynbyz – QazTAG) jáne solaı ómir súrdik. Memleket bilim salasynyń, muǵalimderdiń, oqýlyqtardyń, mekteptiń barlyq shyǵynyn ózi kóteredi, Al endi myna iske (oqýshylardy tamaqpen qamtý) ata-analar ózderi shyǵyndanýy kerek. Sondyqtan buǵan sanaly túrde keleıik", - dedi Nursultan Nazarbaev. KazTAG