Keshe Qazaqstannyń Túrkıadaǵy elshisi Janseıit Túımebaev  Túrkıanyń keden jáne saýda mınıstri Nýrettın Janyklymen kezdesti. Bul týraly Qamshy.kz portaly habarlaıdy "Kazakistan haber.tr " saıtyna silteme jasaı otyryp.

Kezdesý barysynda eki jaqtyń ókilderi de qazairgi tańdaǵy Qazaqstan men Túrkıa arasynda yntymaqtastyqtyń joǵary deńgeıge jetkenin atap ótti. Sondaı-aq eki el arasyndaǵy ımport jáne eksport aınalymynyń kórsetkishin arttyrý úshin qolda bar resýrstardyń tolyqtaı paıdalaný máselelerin sóz etti.

Qazirgi ekonomıkalyq turaqtylyqty saqtap, ózara baılanysty arttyrý  úshin  eki eldiń kedendik baqylaý júısin bir platformaǵa engizý, ózara tájıirbıe almasý sekildi birqatar máseleler talqylandy.

Sonymen qatar túrik mınıstri N.Jynykly Túrkıan prezıdenti Rejep Taıyp Erdoǵan óziniń qazaqstandyq áriptesimen eki el arasyndaǵy birqatar máselelerdi talqylaý maqsatynda resmı Astanaǵa keletiniń málimdedi.

Túrkıanyń Keden jáne saýda mınıstri Nýrettın Jynykly "Qazaqstan-Túrkimenstan-Iran" temirjoly iske qosylsa Qazaqstan men Túrkıa arasyndaǵy ımport pen eksport arta túsetinin aıtty.

Jýyrda ǵana Túrkıa syrtqy ister mınıstri Ahmet Davýtoglynyń  Qazaqstandaǵy Túrik lıseılerin jabý týraly resmı málimdemesine QR Bilim jáne ǵylym mınıstri jaýap retinde Qazaqstandaǵy atalmysh mektepterdiń jabylmaıtynyn aıtqan bolatyn. Sonda da el ishine taraǵan qaýeset áli óz kúshin joıyp úlgermeı jatyp, Túrik prezıdenti Qazaqstanǵa keletinin málimdedi. Erdoǵannyń Elordaǵa bul saparynyń astarynda ne jatyr eken?

Eraly Rahmetqojaev