AQSH astanasy Vashıngtonda turatyn musylmandar Aq úıdiń aldynda juma namazyn oqydy dep habarlaıdy

portaly. Vashıngton musylmandary ıslam dinin qabyldaǵan úsh jasóspirimniń óliminen soń el Prezıdentiniń rezıdensıasynyń aldynda bir mezette 200-den astam musylman juma namazyna jyǵylyp, duǵa jasady. AQSH-tyń Chapel Hıll qalasynyń turǵyny, ózin "ateıst" retinde tanystyrǵan Kreıg Stefan Hıks 23 jastaǵy  stýdent (bolashaq tis dárigeri) Dae Barakatty, áıeli 21 jastaǵy Iýsor Muhammed Ábý Salhany jáne 19 jasar baldyzy Razan Muhammedti óz úıinde ańshy myltyǵymen aıaýsyzdyqpen óltirgen bolatyn. Islam dinin ustanǵany úshin naqaq jalanyń qurbany bolǵan baýyrlaryn eske alýǵa Aq úıdiń aldyna jınalǵan 200 den astam musylman baýyrlar aýa-raıynyń  sýyqtyǵyna qaramastan juma namazyna jyǵylyp, Alladan duǵa jasady. Olardyń bul jerge jınalýynyń taǵy bir sebebi, AQSH-ta sońǵy kezderi ıslamafobıa kúsheıip, musylman emes, túrli toptar tarapynan qysym kele bastaǵan. Nátejıesi kisi ólimine deıin aparǵan. Oǵan dálel óz úıinde aıaýsyzdyqpen atylǵan úsh birdeı musylman otbasy. Osy máselelerdi Aq úıdiń aldyna jınalǵandar halyq aldynda talqyǵa salyp, bılikten teńdik surady. Resmı baıandamalar oqylyp bolǵan soń, Aq úıdiń aldynda azan shaqyrylyp, jamaǵat birdeı juma namazyna turdy. Atalmysh sharany uıymdastyrýshy Mahroh Jahangerı: - osylaısha biz halyqty ıslamafobıadan qutqarýymyz kerek. Shyn mánindegi Islam dininiń kórkemdigin, tazalyǵyn, ekstrımıst emes ekendigin jetkizgimiz keldi,-deıdi. -Biz AQSH Prezıdenti Barak Obamadan qaza bolǵandardyń januıalaryna kóńil aıtyp, kómek berýin talap etemiz. AQSH-ta ıslamǵa degen narazylyq pen óshpendilik týyndamaýy úshin Prezıdenttiń ózi halyq aldyna shyǵyp, máseleni túsindirýin qalaımyz deıdi jınalǵandar.