Búgingideı turaqsyz ári qubylmaly kezeńde halyq kez kelgen áleýmettik jáne saıası oqıǵalardan qaýip kútedi. Osy oraıda, Yvision.kz saıty qazaqstandyqtar qaýiptenetin basty oqıǵalardyń tizimin jasady.
Teńgeniń qaıtadan qunsyzdanýy
Ótken jyldyń qazan aıynda Ulttyq bank tóraǵasy Qaırat Kelimbetov teńgeniń qaıtadan devalvasıaǵa ushyramaıtynyn habarlady. Odan bólek, sársenbi kúni elbasy ótkizgen Úkimettiń keńeıtilgen otyrysynda da ulttyq valútanyń qunsyzdanbaıtynyn prezıdent taǵy atap ótti.
Degenmen, teńgeniń turaqtylyǵyna qazaqstandyqtar sener emes. Devalvasıa bolýy múmkin degen habar jeldeı esip júr. Onyń ústine, teńge 2014 jyly eń álsiz valútalardyń qataryna engen bolatyn.
Eldi basqarýǵa kelesi bolyp keletin kim?
Qazaqstandaǵy bıliktiń tizginin ustaıtyn kelesi adam tek saıasatkerlerdi ǵana emes, qarapaıym halyqty da alańdatady. Stratfor strategıalyq zertteý agenttigi Qazaqstandaǵy bıliktiń aýysýy eldiń ishki ahýalyna ǵana emes, halyqaralyq saıasatqa da áser etedi dep esepteıdi.
Sýdyń bitip qalý qaýpi
Qazaqstannyń sýǵa asa baı emes memleket ekeni burynnan belgili bolsa da, birneshe jyl buryn ǵana sý tapshylyǵyna alańdaı bastadyq. Eldegi sý resýrstarynyń 50 paıyzy - ońtústikke, 30 paıyzy - ortalyqqa, al 20 paıyzǵa jýyǵy shyǵys, batys jáne soltústik aımaqtarǵa tıesili.
Qazaqstannan aǵyp ótetin iri ózenderdiń barlyǵyn kórshi memleketter de paıdalanady. Máselen, Syrdarıany Tájikstan, Qyrǵyzstan jáne Ózbekstan da óz paıdasyna jaratady.
Ipotekany tóleı almaý
Ipotekalyq qujattarǵa qol qoıar kezde siz kelisimshartta kórsetilgen somany aı saıyn birneshe jyl boıy tólep turýǵa mindettelesiz.
Alaıda, túrli jaǵdaılarǵa baılanysty siz nesıeni tóleı almaýyńyz nemese merziminen keshiktirýińiz múmkin. Mundaı kezde bank sizge aıyppul salyp, ósimaqyny kóbeıtedi.
Sondyqtan qujatqa qol qoıar kezde ıpotekany tóleı almaǵan jaǵdaıda sizge qandaı shara qoldanylatynyn bilip alǵan durys.
Turmysqa shyqpaý/úılenbeý
Kóp jaǵdaıda, qyzdardyń turmysqa shyqpaı qalamyn degen qaýpi basym. Onyń ústine, mansapqumar qyzdar bizdiń qoǵamda kóp kezdesedi. Otbasylyq ómirdiń ornyna qyzmetti tańdaıtyn názik jandylar qatary mol. Sol sebepti kóp jaǵdaıda olardyń otbasylyq ómirge ýaqyty da qalmaıdy.
EHRO-2017 kórmesine jumsalǵan jáne jumsalatyn mıllıardtar
Kórmege jumsalatyn shyǵynnyń ózin aqtaıtyny týraly oıǵa kúmán keltirýge sebep kóp. 2000 jyly Gannoverde ótken kórmeni josparlaǵandaı 40 mln adam emes, 18 mln adam ǵana tamashalady. 1,2-1,5 mlrd dollar shamasynda shyǵyn keldi.
2008 jyly Ispanıanyń Saragosa qalasynda ótken kórmege oraı salynǵan birshama nysandar paıdalanylmaı qaldy. Japonıa men Qytaıda ótken kórmelerde ótkizýshi memleket úlken paıda kórdi.
Áıtse de, halyq sany kóp eldermen bizdi salystyrýǵa kelmeıdi. Astanadaǵy EHRO-2017 kórmesine 283 mln eýro jumsalady dep kútilýde.
Keden odaǵy men Eýrazıalyq ekonomıkalyq odaqqa ený
El turǵyndarynyń kópshiligi Eýrazıalyq ekonomıkalyq odaqqa ený tek Reseı úshin paıdaly degen pikirde. Geosaıası jaǵdaılardyń Qazaqstan ekonomıkasy úshin ońaıǵa soqpaıtyny ras.
Batystyń sanksıasyna jaýap berý úshin Reseı men Qytaıdyń kúsh biriktirýi Qazaqstannyń bolashaǵyna odan ári qaýip tóndirmek.
Maqsat Úsenov
Atyshýly Maqsat Úsenov ótken jyly taǵy bir jol apatyna sebep boldy. Qýanyshqa qaraı, 38 jastaǵy áıel qatty zardap shekken joq. Osydan soń 20 kúnin qamaqta ótkizgen Úsenov bostandyqqa shyǵyp, Dýbaıǵa demalýǵa ketti.
Toı jasaý úshin nesıe alý
Statısıkaǵa sensek, orta eseppen qarapaıym jastarǵa toı jasaý úshin 3,5 mln teńge kerek. Orta eseppen er jigitter 25-30, qyzdar 20-23 jasta shańyraq kóteredi.
Bul ýaqytta olardyń 10 paıyzy ǵana ózderiniń qarjylyq jaǵdaıyn retteı alady. Al qalǵan qarajatty ata-anasy tabýy qajet. Ata-ananyń bank jaǵalaýdan basqa amaly joq.
UBT-dan óte almaı qalý
Ulttyq biryńǵaı testileýden óte almaý tek oqýshylardyń ǵana emes, muǵalimder men ata-analardyń da bas aýrýyna aınaldy. 2004 jyly qoldanysqa engen UBT búginge deıin túlekter úshin úlken syn sanalady. Tipti jyl saıyn UBT aınalasyndaǵy aıqaı-shý da kóbeıe túsetini ras.
Qaladaǵy keptelis pen jer silkinisi
Bul ásirese almatylyqtar úshin úlken másele týdyryp otyrǵan jaıt. Tańǵy saǵat 08:00 ben keshki 18:00-den keıingi uzyn-sonar keptelis kim-kimniń de júıkesin juqartatyny anyq.
Al jylyna 3-4 ret bolatyn jer silkinisi Almaty turǵyndarynyń eń úlken qorqynyshy.
