Búgin Astana qalasynda «Prezıdenttiń bes áleýmettik bastamasyn» qoldaý boıynsha jastar forýmy ótti. Forýmdy Qazaqstan Respýblıkasy Din isteri jáne azamattyq qoǵam mınıstrligi men S.Seıfýllın atyndaǵy Qazaq agratehnıkalyq ýnıversıtetimen birlesip ótkizdi.

Qazaqstan Respýblıkasy Parlamenti Májilisiniń depýtattary Baqytbek Smaǵul, Serik Sápıev, QR Din isteri jáne azamattyq qoǵam vıse-mınıstri Abzal Núkenov, «S.Seıfýllın atyndaǵy Qazaq agratehnıkalyq ýnıversıteti» AQ-nyń Basqarma tóraǵasynyń birinshi orynbasary Abdyrov Aıtjan, respýblıkalyq jastar uıymdarynyń men joǵary oqý oryndarynyń jastardyń ózin-ózi basqarý organdarynyń jetekshileri qatysty.

Din isteri jáne azamattyq qoǵam vıse-mınıstri A. Núkenov forým qatysýshylaryna quttyqtaý sóz arnap, Elbasynyń bastamalaryn árqaısysyna toqtalyp, túsindirip ketti.

«Jastardyń eń ózekti jáne mańyzdy máseleleri - bilim alý, jumysqa ornalasý, baspanaly bolý. Elbasynyń bes áleýmettik bastamasy jastardy alańdatatyn basty máselelerge keshendi jaýap», - dedi Abzal Núkenov.

A.Núkenovtiń aıtýynsha, jataqhanalar qurylysyn salýǵa jastardyń ózderin tartý máselesi qaralýda. Bul bir ýaqytta jastardy jumyspen qamtý máselesin sheshedi.

Prezıdenttiń bes áleýmettik bastamasy týraly óz oıymen  olımpıada chempıony Serik Sápıevte bólisti.

S. Sápıevtiń sózinshe saılaýshylardyń 70% ótinishteri  baspana máselesi bolyp otyrǵanyn aıtýda. Sonymen qatar, qoǵamda jınalǵan máselelerin sheshýde Elbasynyń úndeýi erekshe mańyzdy ekendigin atap ótti.

Serik Sápıev jastarǵa: «el ıgiligi úshin oqyńdar, eńbek etińder, bunyń bári qoldan keledi» dep senimin artty.

Sondaı-aq, Forým barysynda jastar uıymdarynyń kóshbasshylary óz oılarymen bólisti. Máselen, Qazaqstan stýdentteri Alánsiniń kóshbasyshysy Ilıas Tústikbaev stýdentter atynan Prezıdenttiń Bes áleýmettik bastamasyn qoldaıtyndyǵyn jetkizdi.

İs-sharanyń qorytyndysy boıynsha el Prezıdentiniń Bes áleýmettik bastamalaryn iske asyrý boıynsha naqty usynymdar ázirlendi.