Qazaqstan musylmandary dinı basqarmasynyń tóraǵasy Serikbaı qajy Oraz Almatyda tanymal jazýshy Baýyrjan Momyshulynyń kelini Zeınep Ahmetovamen, belgili qoǵam qaıratkeri, til janashyry Asyly Osmanmen, fılologıa ǵylymdarynyń doktory, kórnekti ǵalym Aıgúl İsimaqovamen, 17 jylda 628 balany baýyryna basqan batyr ana Tuıaq Esqojınamen suhbattasyp, tól merekeleri qarsańynda syı-qurmet jasady, dep jazady Qamshy.kz aqparat agenttigi QMDB baspasóz qyzmetine silteme jasaı otyryp.
Kezdesýde Serikbaı qajy Satybaldyuly múftıat óziniń dinı qyzmeti aıasynda bıylǵy jyldy «Islam jáne otbasy» dep ataǵanyn jetkizdi.
«Qudaıǵa shúkir, bárimiz de ul-qyz, nemere ósirip otyrmyz. Olardyń erteńgi bolashaǵyna alańdaımyz, tárbıesi úshin qam jeımiz. Otannyń ózi otbasynan bastalady emes pe? Elimizdiń jan-jaqty damýy tektilikke tárbıelengen ulaǵatty urpaqqa tikeleı baılanysty. Qazir jastardy qazaqy dástúr men ımandylyq turǵysynan tárbıeleýge kóńil bólip otyrmyz. Zeınep apa, Aıgúl hanym, Asyly apaı, Sizderdiń jastarǵa aıtyp júrgen aqyl-keńesterińizdi kórip-estip júremiz. Qanshama jetim balany baýyryna basyp, qamqorlyǵyna alǵan Tuıaq apanyń saýapty isi erlikke para-par amal dep esepteımin. Sizder búgingi táýelsiz elimizdiń batyr analarysyzdar. Barshańyzǵa Alla razy bolsyn. Bárimizdiń maqsatymyz bir ǵoı. Ol – ulaǵatty urpaq sabaqtastyǵyn qalyptastyrý», – dedi Bas múftı Serikbaı qajy Oraz.
Jyly júzdi kezdesý sońynda qoǵam qaıratkerleri Bas múftıge júrekjardy tilegin jetkizip, alǵys bildirdi.
