Juldyz Ábdikárimova óziniń ınstagram paraqshasyna jary Qaırat Nurtaspen qalaı tanysqanyn jazdy, dep habarlaıdy Qamshy.kz aqparat agenttigi. 

Juldyzdy jupqa "Qaıda? Qalaı tanystyńyzdar?" - degen suraq jıi qoıylady eken.

«2004 jyl...Kúz... Jańa oqý jyly... RESK... Qaırat - vokal bólimende, al men - akter bólimende oqyp júrgen kezimiz. Bir-birimizdi syrttaı bilip júrgenimen, arnaıy tanys bolǵan emespiz. Bir aı boıy kózben ǵana tanysyp, bir- birimizdi baqylap júrdik. Biraq, men ony kórgen saıyn, júregim eriksiz jylyp, júzim jaınap, ishki jan dúnıem ezile qalatyn. Alaıda, sanam bul sezimderdi qabyldamaıtyn, minezim de sezimderge erik bermeıtin, jigitti mensinbeıtin, ózime de, ózgege de qatal Juldyz bolatynmyn. Sonda da, boıjetkenniń jigitke sezimin birinshi esh ýaqytta bildirmeý kerek degen, qaǵıda sanamda ábden sińip qalǵan.

Qazan aıynyń shýaqty kúninde, asxanada, túski asymdy alyp turǵan kezimde, Qaıratty joǵarǵy kýrstyń biri (ózderiniń sıstemasy boıynsha), qasyqqa jumsaǵanyn qulaǵym shalyp qaldy. Sol stol basynda, ózimniń de toptastarymnyń otyrǵanyn baıqap, qasyqty Qaırattan buryn, ózimniń taqtaıshama qoıyp alyp, "Ózim aparyp beremin"- dedim de, bir jımıyp, janynan ótip kete bardym. Qaırekeń turǵan boıda, artymnan qarap, únsiz qala berdi... Sol eki arada, kózderimiz toǵysyp, ortamyzdan bir ushqyn ushyp ótken tárizdi... Quddy úndi kınodaǵydaı boldy. Meni eń birinshi ret kórgen kezinde de, sol úndi aktırsalarynyń birine uqsatqanyn jasyrmady. Alǵashqy tanystyǵymyz osylaı bastalyp edi... Eń tátti, taza ári alańsyz ómirimizdiń bastamasy dep bilemin. Jalpy, ekeýmizdiń stýdenttik kezimiz qyzyǵy men qatar shyjyǵyna da toly bolatyn» dep jazdy Juldyz Ábdikárimova.

Aıta keteıik, Qaırat Nurtas 10 jylǵa jýyq nekeli áıeli, balalary bar ekenin jasyryp keldi. Ózi basty róldi somdaǵan «Arman» kınosy arqyly jary Juldyz Ábdikárimovany qalyń kórermenge tanystyrdy.