Qazaqstandyq kásipqoı boksshy Qanat Islam men argentınalyq Gýıdo Nıkolas Pıtto 2015 jyldyń 1 naýryzynda Máskeýde WBA International chempıondyq belbeýin sarapqa salady.

Bul otandasymyzdyń kásibı karerasyndaǵy 19-kezdesýi. Ońtústik amerıkalyq boksshy búginge deıin 22 jekpe-jek ótkizip, 19-ynda jeńiske jetken (8 nokaýt), al úsheýinde jeńilgen.

Al Qanat Islam sharshy alańda 18 kezdesý ótkizip, barlyǵynda jeńiske jetti (15 nokaýt). Aıta ketý kerek, bul jolǵy jekpe-jekte boksshylar orta salmaqtaǵy WBA International belbeýin sarapqa salady.

Ótken jyldyń qorytyndysy boıynsha 7-orynda turǵan qazaqstandyq boksshy 2015 jyldyń qańtarynda 2 oryn syrǵyp 9-orynǵa turaqtady.

Qanat ótken jyldyń tamyzynan beri jekpe-jek ótkizbegen edi. Ol sońǵy kezdesýinde kolýmbıalyq Fıdel Monterrosa Mýnosty 5-raýndta nokaýtpen utty. Bnews.kz