Oqýshylar saraıynyń úlken konsert zalynda "SMART ZHETYSU" jobasy aıasynda "Kásibılik pen adamgershilik - bolashaqqa daıyndyq" taqyrybynda mektep oqýshylary, stýdentter, úkimettik pen uıymdar, memlekettik qyzmetkerler aldynda Qazaqstannyń kınnomotografıa salasynda ózindik oryny bar "Glamýr dlá dýr", "Kelınka toje chelovek", "Brat ı brak", "Taraz", "Ia jenıh", "Sısıtaı", "Klasstastar" fılmderiniń kolorısti Vıtalıı Býjan motıvasıalyq alańda sóz sóıledi
Almaty oblysynyń óńirlik komýnıkasıalar qyzmeti «SMART ZHETYSU» jobasyn qolǵa aldy. Mundaǵy maqsat – ár salada tabysqa jetken tulǵalardy jastarǵa úlgi ete otyryp, olarǵa motıvasıa berý jáne Qazaqstannyń bolashaǵyn qoldaıtyn, damytatyn platforma qurý.
«SMART ZHETYSU» alańynyń alǵashqy qonaǵy bolyp, Qazaqstan kınomotografıa salasynda ózindik ornyn qalyptastyryp úlgergen jerlesimiz Vıtalıı Býjan keldi. Spıker jastarmen kezdesý barysynda ózin-ózi damytý jáne tanymal maman bolýdyń joldaryn aıtyp berdi. Sonymen qatar, jas maman óziniń eńbek jolynda jetken jetistigi men jeńilisteri týrasynda syr shertti.
Kezdesý barysynda ártúrli suraq qoıylyp, soǵan saı tushshymdy jaýap berildi.
Búginde Vıtalıı Býjan kompúterlik grafıkany jetik meńgerip, az ýaqyt ishinde shetelge de tanylyp úlgerdi. İ. Jansúgirov atyndaǵy JMÝ-da bilim alǵan qarapaıym stýdent, kezinde Almaty oblystyq «Jetisý» telearnasynda qatardaǵy montajer bolyp jumys jasaǵan. Aıtýynsha, osyndaı bıik belesterdi baǵyndyrýynyń bir ǵana formýlasy bar, ol – eńbek. Ómirlik basty ustanymy da – áreket etý. «Bastysy toqtamaı, áreket etý kerek. Qaıtalap isteı berý kerek. 1000 ret qaıtalap jasaı ber. Tipti, qolyńnan kelmeı jatsa da toqtama. 1001-inshi ret jasaǵanda, ol mindetti túrde qolyńnan keledi. Aldyńa maqsat qoıdyń ba, soǵan jetýge talpyn. Kimniń ne degeni mańyzdy emes. Qalaı bolǵanda da ony istiń mánisin jasap jatqanda kóresiń» – deıdi ómirlik tájirıbesimen bólisken spıker.
Vıtalıı Býjan qazirgi ýaqytta kınofılmder men mýzykalyq klıpterdi óńdeýmen aınalysady jáne kóp ýaqytyn osyǵan jumsaıdy. Atap aıtqanda, ol jaqynda jaryqqa shyqqan «Glamýr dlá dýr», «Brat ılı brak», «Taraz», «Kelınka toje chelovek», «Klastastar», «Ia jenıh» jáne «Sısıtaı» syndy birneshe fılmderdiń montajyn jasaǵan. Sondaı-aq, reseılik M-bend, qazaqstandyq 91 tobynyń beınebaıandaryn óńdegen. Sheteldikter de Vıtalııdiń jumysyna erekshe qyzyǵýshylyq týdyryp jatyr. Aıtýynsha, semınar-trenıngtarda jınalǵandardyń kóbi kompúterden sıqyrly bir «knopkany» bassań, áp-sátte bári daıyn bolyp shyǵatyndaı kóredi deıdi. Al, shyndyǵynda onyń barlyǵy taza eńbekpen keletin dúnıe. V.Býjan qalaı jáne qandaı baǵdarlamalarmen jumys isteıtinin jasyrmaı aıtady, keńes beredi, kórsetip, úıretýge talpynady. «Alaıda, barlyǵyn aıtyp, kórsetseń de, eldiń kóbi ony qaıtalap istemeıdi. Onyń birden-bir sebebi, ózine degen senimdiliktiń joqtyǵy men jalqaýlyqtyń basymdylyǵynda», — deıdi jas maman. Jıyn sońynda V.Býjan «Men de senderderdiń qatarlaryńnan shyqtym. Talmaı eńbek etińder! Jáne erteńge qaldyrmaı, dál qazir iske kirisińder!» dep keńes berdi.
