Tashkent-SHymkent velosherýiniń qatysýshylary 130 km qashyqtyqty artqa tastap Shymkent qalasyna keldi, dep habarlaıdy Qamshy.kz aqparat agenttigi sputniknews.kz saıtynyń deregin negizge ala otyryp. 

Tańǵy saǵat 10-da Tashkenttiń ortalyǵynan velosherý bastaý aldy. Velosıpedshiler «Jibek joly» kedendik beketine jetip «jasyl dáliz» arqyly ótti. Qazaqstan jerinde júrek jalǵap alǵan qatysýshylar, aldaǵy  100 km qashyqtyqty júrip ótýdi maqsat etti. Atalǵan velosherýge qatysýǵa Qazaqstan jáne Ózbekstan azamattary ótinish bildirgen. Ózbekstandaǵy BAQ-tyń habarlaýynsha, olardyń arasynda Qazaqstannyń Ózbekstandaǵy elshisi Erik Ótembaev ta boldy.

Qazaqstannan Almaty, Astana, Taraz jáne Shymkent qalalarynyń turǵyndary qatysty. Qatysýshylar arasynda eń úlkeniniń jasy – 60 jasta bolsa, eń kishkentaıy — 11 jasta.

Aıta  keteıik, qatysýshylardyń barlyǵy kásipqoı velosıpedshiler emes. Olardyń barlyǵyna arnaıy jaǵdaı jasalyp, árbir 25 shaqyrym saıyn júrek jalǵaıtyn taǵamdar uıymdastyrylǵan shatyrlar ornalastyrylǵan bolatyn.

Velosherýge qatysýshylar 130 shaqyrymdy  basyp ótip, keshki 18:00-de Shymkent qalasynyń ortalyǵyna kelip jetti. Olardy kútip alǵan ońtústikqazaqstandyqtar zor qoshemetpen qarsy aldy.