Kásiporyn janynan jeńil ónerkásip boıynsha oqý ortalyǵy ashylǵan.
Almaty oblysy Tekeli monoqalasynda «Tekeli barys» kásiporynynyń bazasynda oqý ortalyǵy iske qosyldy. Onda jumyssyz azamattardy tigin isine tegin oqytyp, memlekettik shákirtaqy tóleıdi. Oqý ortalyǵy 2017-2021 jyldarǵa arnalǵan Ónimdi jumyspen qamtý jáne jappaı kásipkerlikti damytý baǵdarlamasy aıasynda jumyssyzdar úshin qysqamerzimdi oqytý júrgizý maqsatynda ashylǵan.
Aıta ketsek, Tekeli qalasynda ekonomıkalyq turǵydan belsendi halyq 17512 adamdy qurasa, jumyspen qamtylǵan halyqtyń sany – 16629 adamdy quraıdy eken. Sonyń ishinde: jaldamaly qyzmetkerler 11218, óz betinshe jumyspen qamtylǵandar 5411, jumyspen qamtý deńgeıi – 95,0 paıyz, jumyssyzdyqtyń deńgeıi 5 paıyzdy quraıdy.
Al jumyspen qamtý suraqtary boıynsha júgingenderdiń sany 1253 adam, olardyń ishinde jumyspen qamtylǵandar –1066 adamdy quraıdy. Keshendi jospardyń kórsetkishteri 12 aıda 1478 adam nemese 109,1%-ǵa jetken.
«Tekeli barys» JSHS basshysy Áıgerim Sákenqyzynyń aıtýynsha, qazirgi tańda 30 tekelilik ortalyqta jańa mamandyq alýǵa nıet bildirip otyrǵandar bar eken.
«Oqý ortalyǵynda sabaqtar men tájirıbelik sabaqtar ótkizýge arnalǵan bólmeler bar. 13 tigin mashınasy, qajetti matalar men materıaldardy satyp aldyq. Oqýshylar bilim alýmen birge tapsyrys alyp, ony oryndap otyrady. Kýrstyń sońyna qaraı qatysýshylardyń keıbirin kompanıamyzǵa jumysqa alsaq, al qalǵany óz kásipterin asha alýǵa biliktilikteri men múmkindikteri jetedi degen senimdimiz», - deıdi Áıgerim Sársenqyzy.
«Tekeli barys» JSHS oqý ortalyǵy Tekelide kásiporyn bazasynda ashylyp, Óńirlik kásipkerler palatasy janyndaǵy Oqý ortalyqtarynyń reestrine engen alǵashqy mekeme bolyp tabylady.
Kásipkerler palatasynyń Tekeli qalalyq fılıalynyń dırektory Turysbek Jumadilovtyń aıtýynsha, aldaǵy ýaqytta Tekeli taý-ken óńdeý kesheninde de oqý ortalyǵyn ashý aldaǵy ýaqytta josparlanyp otyr eken. Ol jerde mettallýrgıa salasyna qajetti mamandardy daıyndaıtyn bolady.
Aıta ketsek, aǵymdaǵy jyly Almaty oblysynda Ónimdi jumyspen qamtý jáne jappaı kásipkerlikti damytý baǵdarlamasy aıasyndaǵy qysqamerzimdi bilim berý kýrsy barysynda 500 adamdy jańa mamandyqtar boıynsha oqytý josparlanýda.
Oblystaǵy kásipkerler palatasy halyqty jappaı jumyspen qamtýǵa bar kúshin jumyldyrýda.
