Jaqynda túrik prezıdenti Rejep Taıyp Erdoǵan Izraıl jáne evreı lobbıleriniń qyzmetine 65 mıllıon dollar bólýge nıetti ekenin aıtty.
Túrkıa bılik basyndaǵy "Aq Partıanyń" saıası qıturqylyǵyn synǵa alǵan Stambuldaǵy "Jumhrıet halyqtyq partıasynyń" (JHP) orynbasary, jemqorlyqpen kúres jáne tergeý bólimshesi tóraǵasy Aıkýt Erdogýdy, el prezıdenti Taıyp Erdoǵannyń Izraıl lobbıleriniń qyzmetine partıa búdjetinen 65 mıllıon dollar tóleý týraly sheshim shyǵarǵanyn málimdedi.
Kezinde, túrik prezıdenti Erdoǵan "Davosta" sóılegen sózinde Izraıl búlik shyǵaryp, resmı Palestınaǵa qysym kórsetkenine narazylyǵyn bildirgen bolatyn. 2009 jyly 29 qańtarda "Davosta" Taıyp Erdoǵan men Shımon Perestiń arasynda oryn alǵan keleńsiz oqıǵadan keıin, Túrkıa astanasynda myńdaǵan azamattar "Jumhrıet halyq partıasynyń", uıymdastyrýymen Israıl urpaqtarynyń Palıstına musylmandaryna jasaǵan qysym, zorlyq áreketterine qarsy mıtıńige shyqqan bolatyn.
Sol kezde Túrik Prezıdenti shalǵaıdaǵy musylman eli evreı halqynyń ezgisiniń astynda qalǵanda gýmanıtarlyq járdem jibergen edi. Alaıda, Mármár teńizinde Túrkıa kemesine shabýyl jasalyp, Palıstınaǵa attanǵan keme dittegen mejege jetpeı qalady. Sol kezde 9 birdeı beıbit adam oqqa ushqan bolatyn.
Sol oqıǵadan keıin Túrkıadaǵy evreı dıasporasy bılik basyndaǵy partıadan járdem suraıdy.
Biraq, burynǵy Erdoǵan qazir ózgergen. Tipti, bıliktegi jetekshi partıa da Izraıl saıasatyn qoldap otyr.
Jýrnalıserdiń saýaldaryna jaýap bergen Erdogýdy: "Joǵarydaǵy tólenetin 65 mıllıon dollar járdemaqy bolýy múmkin. Jáne evreı lobbıleriniń qyzmetine 65 mıllıon 347 myń 37 dollar Syrtqy ister mınıstrliginiń búdjetinen bólinýi múmkin. Alaıda, atalmysh qarjynyń qaıdan bólinetinin aıta almaımyn" dedi.
Álemdik saıasattyǵy tik minezdi basshylardyń qatarynan sanalatyn Erdoǵan qazir ekijúzdi saıasatty ustanyp otyr. Al sarapshylar, onyń bul áreketine álemdik jáne Túrkıada keń taralǵan "Paralleldi memleketshilerdiń" yqpaly bolýy múmkin deıdi. Túrkıanyń "Sozcu.tr.com" saıty "Erdoǵan evreılerdi Atatúriktiń basyna deıin shyǵara ma?" degen maqalasynda Izraılge kómek retinde bólinetin 65 mıllıon dollardy Túrkıadaǵy jeke kompanıalar men jeke kásipkerlerdiń salyǵynan ustaıtynyn jazǵan. Dese de, osy kúnge deıin Israıl urpaqtaryna qyryn qarap kelgen Erdoǵan, kenetten jaramsaqtanyp, járdem bere qalǵanynyń syryn árkim ár túrli topshylaýda. Bir aqıqaty, sońǵy kezde Túrkıa prezıdentiniń Izraılge ishi jibip keledi.
