Djeı Olson basqarǵan kanadalyq Makgıll Ýnıversıtetiniń ǵalymdar toby sıqyrshylarǵa óz aılalaryn júzege asyrýǵa adam psıhologıasyndaǵy ne nárse kómektesetinin anyqtady.
Zertteý kórsetkendeı, adamdar túsi ashyq, nazar aýdaratyn nusqalardy tańdaıdy eken. Ol karta bolsyn, qandaıda bir zat bolsa da. Sıqyrshy dittegenine qalaı qol jetkizýge bolatynyn biledi, alaıda nelikten ádisteri tıimdi júzege asatynyn túsinbeıdi, dep jazady sheteldik BAQ.
Zertteý barysynda Djeı Olson (ol sonymen qatar kásibı sıqyrshy) kóshedegi adamdarǵa kelip, bir karta tańdaýyn usynǵan. Ózi karta kolodasyn kórermenderdiń kózinshe tez aýystyryp otyrǵan. Úrdis shamamen jarty sekýnd ýaqytty aldy.
Olson bir kartany "maqsat" qylý ádisin paıdalandy. Bul kartany ol ózgelerge qaraǵanda uzaǵyraq kórsetip, oǵan nazar aýdartqan. Nátıjesinde 98% qatysýshy osy kartany tańdady, solardyń 91% kartany ózderi tańdaǵanyna senimdi boldy. "QazInform"
