Darhan Káletaev din isteri jáne azamattyq qoǵam mınıstri bolyp taǵaıyndaldy, dep habarlaıdy Qamshy.kz aqparat agenttigi Aqordaǵa silteme jasap.
«Darhan Amanuly Káletaev Qazaqstan Respýblıkasynyń Din isteri jáne azamattyq qoǵam mınıstri bolyp taǵaıyndalsyn», - delingen habarlamada.
Káletaev Darhan Amanuly1972 jyldyń 14 qazanynda Shyǵys Qazaqstan oblysynda dúnıege kelgen.
S.Amanjolov atyndaǵy Shyǵys Qazaqstan memlekettik ýnıversıteti men QR Prezıdenti janyndaǵy Memlekettik basqarý ulttyq joǵary mektebin bitirgen.
Saıasattaný ǵylymdarynyń doktory. «Nur Otan» halyqtyq-demokratıalyq partıasynyń múshesi. «Nur Otan» halyqtyq-demokratıalyq partıasy saıası keńesiniń múshesi.
1995-1997 jyldary QR Mınıstrler Kabıneti janyndaǵy Tilder komıtetiniń jetekshi mamany, Qazaqstan Respýblıkasynyń ulttyq saıasat jóninde memlekettik komıtettiń bas mamany, Qazaqstan Respýblıkasy Bilim jáne mádenıet mınıstrligi Til saıasatyn úılestirý Departamentiniń basqarma basshysynyń orynbasary qyzmetin atqardy.
2002 jyldyń qarashasynan bastap İshki saıasat bóliminiń jetekshisi.
2003 jyldyń shildesinen bastap Prezıdent Ákimshiliginiń İshki saıasat bóliminiń meńgerýshisi.
2004 jyldyń sáýirinen bastap QR Prezıdent Ákimshiliginiń Áleýmettik-saıası bóliminiń meńgerýshisi.
2006 jyldyń sáýirinen bastap 2007 jyldyń qańtaryna deıin QR Prezıdent Ákimshiliginiń Memlekettik baqylaý jáne uıymdastyrý jumystary bóliminiń meńgerýshisi boldy.
2007 jyldyń qańtarynda QR Prezıdent Ákimshiligi jetekshisiniń orynbasary bolyp taǵaıyndaldy.
2008 jyldyń qazanynda «Nur Otan» HDP Tóraǵasynyń birinshi orynbasary bolyp taǵaıyndaldy, QR Prezıdentiniń shtattan tys keńesshisi boldy.
2009 jyldyń qarashasynan bastap «Samuryq-Qazyna» ulttyq ál-aýqat qory» AQ Basqarma dırektory qyzmetin atqardy.
2013 jyly «Samuryq-Qazyna» ulttyq ál-aýqat qory» AQ qoǵammen baılanys boıynsha bas dırektor boldy.
2016 jyldan bastap Úkimet jáne baılanyspen ózara qarym-qatynas boıynsha Basqarma dırektory. «Astana» Prezıdenttik kásipqoı sport klýbynyń qamqorshylyq keńesiniń tóraǵasy bolǵan. QFF Atqarýshy komıtetiniń múshesi.
2015 jyldyń qańtarynan bastap Qazaqstan velosport federasıasynyń prezıdenti.
