Nurlan Ermekbaev Prezıdent kómekshisi - Qaýipsizdik Keńesiniń hatshysy bolyp taǵaıyndaldy, - dep habarlaıdy Qamshy.kz aqparat agenttigi Aqordaǵa silteme jasap.
"Nurlan Baıuzaquly Ermekbaev Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy bolyp taǵaıyndalsyn, ol Qazaqstan Respýblıkasynyń Din isteri jáne azamattyq qoǵam mınıstri qyzmetinen bosatylsyn", - delingen habarlamada. –
Nurlan Ermekbaev 1963 jyly týǵan. 1986 jyly KSRO Qorǵanys mınıstrliginiń Máskeýdegi Áskerı Qyzyl tý ınstıtýtynyń shyǵys tilderi fakúltetin támamdaǵan. 1996 jyly Qazaq memlekettik sáýlet-qurylys akademıasynyń ekonomıka fakúltetin bitirgen. Orys, qytaı, aǵylshyn jáne portýgal tilderin meńgergen. Saıası ǵylymdar kandıdaty.
1984 jyldan bastap 1985 jylǵa deıin - Angola Halyq Respýblıkasynda qyzmettik issaparda boldy. 1986 jyldan bastap 1996 jylǵa deıin - KSRO Qarýly kúshteri Bas shtaby júıesindegi bólimderde qyzmet etti. 1990 jyldary KSRO QK qatarynan bosatylǵan soń syrtqy ekonomıkalyq kompanıalardy basqarǵan. 1993 jyldan bastap 1995 jylǵa deıin - Qazaqstan Respýblıkasynyń Qytaı Halyq Respýblıkasyndaǵy Saýda ókildiginiń aǵa sarapshysy. 1996 jyldan bastap 1997 jylǵa deıin - Almaty saýda-qarjy banki basqarma tóraǵasynyń keńesshisi. 1999 jyldan bastap 2001 jylǵa deıin - "Qazaqstannyń halyq banki" AAQ-nyń Qytaı Halyq Respýblıkasyndaǵy ókildiginiń basshysy.
2001 jyldan bastap 2003 jylǵa deıin - Qazaqstan Respýblıkasynyń Qytaı Halyq Respýblıkasyndaǵy Elshiliginiń keńesshisi. 2003 jyldan bastap 2004 jylǵa deıin - Qazaqstan Respýblıkasynyń Sıngapýrdaǵy ýaqytsha senimdi ókili (dıpmıssıa basshysy). 2004 jyldan bastap 2006 jylǵa deıin - Qazaqstan Respýblıkasy Prezıdenti Ákimshiliginiń Syrtqy saıasat ortalyǵynyń meńgerýshisi. 2006 jyldan bastap 2007 jylǵa deıin - Qazaqstan Respýblıkasy Prezıdentiniń Keńesshisi - Qazaqstan Respýblıkasy Prezıdenti Ákimshiliginiń Syrtqy saıasat ortalyǵynyń meńgerýshisi. 2007 jyldan bastap 2010 jylǵa deıin - Qazaqstan Respýblıkasy syrtqy ister mınıstriniń orynbasary. 2010 jyldan bastap 2012 jylǵa deıin - Qazaqstan Respýblıkasy Prezıdentiniń kómekshisi.
2012 jyldan bastap 2014 jylǵa deıin - Qazaqstan Respýblıkasynyń Qytaı Halyq Respýblıkasyndaǵy Tótenshe jáne ókiletti elshisi. 2012 jyldan bastap 2013 jylǵa deıin - Qazaqstan Respýblıkasynyń Vetnam Sosıalısik Respýblıkasyndaǵy Tótenshe jáne ókiletti elshisi qyzmetin qosa atqarýshy. 2012 jyldan bastap 2014 jylǵa deıin - Qazaqstan Respýblıkasynyń Koreıa Halyqtyq Demokratıalyq Respýblıkasyndaǵy Tótenshe jáne ókiletti elshisi qyzmetin qosa atqarýshy. 2014 jyldan bastap 2016 jylǵa deıin - Prezıdenttiń kómekshisi - Qazaqstan Respýblıkasy Qaýipsizdik Keńesiniń hatshysy. 2016 jyldyń qyrkúıeginde Memleket basshysynyń Jarlyǵymen Qazaqstan Respýblıkasy din isteri jáne azamattyq qoǵam mınıstri bolyp taǵaıyndalǵan edi.
"Parasat" (2015), "Qurmet" (2005) ordenderimen, "Ońtústik Qazaqstan oblysynyń ıgiligine eńbegi úshin", "Jergilikti janjaldarǵa qatysýshyǵa. Angola" medaldarymen, basqa da birqatar mereıtoılyq medaldarmen, "Prezıdenttiń alǵysy", "Qazaqstan temir jolyna 110 jyl" tósbelgilerimen marapattalǵan. Dıplomatıalyq rangi - Tótenshe jáne Ókiletti Elshi. Úılengen, eki balasy bar.
