Almaty ákimi Baýyrjan Baıbek qalanyń barlyq tıisti qyzmetterine «Kókjıtektegi» kóppáterli úıdi órtten keıin barynsha qysqa merzimde qaıta qalpyna keltirý jumystaryn júrgizýdi,sonymen qatar turǵyndardy ýaqytsha ornalastyrýǵa jáne olardyń múlikteriniń saqtalýyn qamtamasyz etýge kómektesýdi tapsyrdy.

Qalanyń qutqarý qyzmetiniń jáne Jetisý aýdany ákimdiginiń kúshimen №177 mektepte shtab qurylyp, munda uıyqtaıtyn oryndar jáne tamaqpen qamtamasyz etý uıymdpastyrylǵan.

Qazirgi kezde úıdegi elektroenergıa, gaz jáne basqa komýnıkasıalar ajyratylǵan. Polısıa úıdi qorshaýǵa alǵan.

Erteńnen bastap órt shyǵynynyń kólemin anyqtaıtyn komısıa tekserýdi bastaıdy. Órttiń ne sebepti bolǵanyn anyqtaıtyn tıisti órt- tehnıkalyq saraptama nátıjesinen soń ǵana úı qalpyna keltirilýi múmkin.

Almatyda «Kókjıek» yqsham­aý­danynda ornalasqan kópqabat­ty úı órtenip, 300 adam evakýa­sıalandy. Bul týraly Almaty qalasy Tótenshe jaǵdaılar de­partamentiniń baspasóz qyzmeti habarlady.

Almaty qalalyq Tótenshe jaǵdaı departamentiniń aqparatyna qara­ǵanda, 5 sáýir kúni saǵat 16.03-te «Kókjıek» yqshamaýdanyndaǵy №32 úıde ornalasqan páterdiń balko­nynan órt shyqqany týraly habar túsken. Oqıǵa ornyna órt sóndirý­shiler baryp, kópqabatty úıdegi órtti sóndirýge kirisken.

– 16.03-te Almaty TJD-nyń 101 púltine Jetisý aýdany, «Kókjıek», 32-úı meken-jaıynda órt shyqqany týraly habar tústi. Órt sóndirýshi­ler oqıǵa ornyna jetkende belgili bolǵandaı, «Kókjıek» shaǵynaý­danyn­daǵy №32 úıdiń 3 balkony otqa oranǵan. Adamdar qaýipsiz jerge kóshi­rildi. Órt sóndirýshiler oqıǵa ornyna 16.11-de jetti. Oqıǵa ornyna kelgen órt sóndirý bólimshesi úıdiń 1  men 5-qabat araly­ǵyndaǵy bet jaǵy órtenip jatqanyn anyqtady. Órttiń aldyn alý aýmaǵy 1000 shar­shy metr. Úıdiń tóbesin túgeldeı órt shalǵan», – dedi Almaty TJD resmı ókili Sandýǵash Baımuhambetova.

Onyń aıtýynsha, 5 qabatty úıdiń balkonynan tutanǵan órt úıdiń shatyryn, mansardyn túgel shar­pyp úlgergen. Oqıǵa ornynda shtab, eki órt sóndirý ýchaskesi quryldy. Tilsiz jaýdy aýyzdyqtaý úshin 82 órt són­dirýshi, 25 tehnıka jumyl­dy­ryldy. Órtengen úıden 300 adam qaýipsiz jerge shyǵaryldy.

Abyroı bolǵanda, apattan eshkim zardap shekken joq. Degenmen, kút­pegen jerden bolǵan tilsiz jaýdyń kesirinen materıal­dyq shyǵynǵa ushyraǵan páter turǵyndary ne isterlerin bilmeı abdyrap qaldy. Desek te, olar «kóp túkirse, kól» demek­shi, halyq­tan kómek kútip otyr. Bul rette Almaty qalasynyń ákimi Baýyrjan Baıbek tıisti organdarǵa «Kókjıekte» órtengen úıdi jyldam qalypqa keltirýdi tapsyrdy. Sony­men qatar, qala ákimi zardap shekken­derdiń dúnıe-múlikteriniń qoldy bol­maýyn qadaǵalaý kerektigin jet­kizdi.

Qazirgi tańda turǵyn úıdegi elektr qýaty, gaz jáne taǵy da basqa júıe­ler són­dirilgen. Jetisý ákimdigi men qala qutqarý qyzmetiniń kúshimen №177 mektepte shtab qurylyp, zar­dap shekkenderge arnalǵan jatyn oryndar ázirlengen. Órt mas­shtabyn anyqtaıtyn komısıalyq tekseris basta­la­tyn bolady.