Jumys sapary barysynda Almaty ákimi Baýyrjan Baıbek qazaqstandyq iskerlik seriktestik ortalyǵy «Atakent» pen onyń aınalasyn aralap kórdi. Megapolıs basshysy basqarýshy kompanıanyń aımaqty damytý jónindegi mindetti oryndamaǵany úshin tıisti basqarmalarǵa jalǵa berý kelisimin buzý jáne jerdi qalanyń komýnaldyq menshigine qaıtarý týraly másele kóterýdi tapsyrdy.

«Kezinde «Atakent» aınalasy jasyl jelekke oranyp, munda adamdar otbasymen serýendeýge keletin, buryn kaskadty sýburqaq bar edi, al qazir onyń bárin asfálttap, kólik turaǵy men bazarǵa aınaldyrǵan. Basqarýshy kompanıa osy aýmaqtty damytý jóninde qalalyqtarǵa úlken ýáde berip edi, alaıda, kórip otyrǵanymyzdaı sońǵy jyldary eshteńe atqarylmaǵan», - dedi Baýyrjan Baıbek.

Almaty ákimi keshen aınalasyndaǵy asfáltty jerdi azaıtýdy, jasyldandyrýdy, gazondarǵa ornalasqan túrli konstrýksıalar men qurylystardy alyp tastaýdy, aǵash otyrǵyzýdy, oryndyqtar men ýrnalar jáne basqalaryn qoıýdy tapsyrdy. Bulardan ózge, jaıaý júrginshilerdiń qaýipsizdigin qamtamasyz etý úshin ortalyq kireberistegi kólik turaǵy alynady jáne QİSO «Atakent» aýmaǵyna kóliktiń kirýine tyıym salynady.

Jumys sapary aıasynda Baýyrjan Baıbek Tımırázev jáne Áýezov kóshelerin abattandyrý boıynsha birqatar tapsyrmalar berdi.